Татарстан Финанс министрлыгы хезмәткәрләре «Хәтер бакчасы» халыкара акциясенә кушылды
Татарстан Республикасы Бөек Ватан сугышында Җиңүнең 81 еллыгына багышланган «Хәтер бакчасы» халыкара акциясендә катнашты. Быел акция аеруча әһәмиятле булды, чөнки ул шулай ук Татарстанда игълан ителгән Хәрби батырлык һәм хезмәт фидакарьлеге елы һәм Россия халыклары бердәмлеге елы кысаларында уза.
Татарстан Республикасы Финанс министрлыгы һәм Казначылык департаменты хезмәткәрләре, Лаеш муниципаль районы территориясендә агач утыртуда катнашып, акциягә актив кушылды. Республика буенча барлыгы 1 миллионнан артык үсенте утырту планлаштырыла.
Масштаблы экологик-патриотик акциянең төп максаты – һәр һәлак булган Ватанны саклаучы истәлегенә ел саен 27 миллионнан артык агач утырту. Шулай ук чарада катнашучылар илнең урман байлыкларын саклау һәм торгызу буенча тагын бер мөһим бурычны үти. 2026 елда «Хәтер бакчасы» халыкара акциясе инде җиденче тапкыр үткәрелә һәм «Экологик иминлек» илкүләм проектына ярдәм итә.