Илдар Халиков “Генерирующая компания” ААҖ Директорлар советының чираттагы утырышын уздырды

Бүген ТР Хөкүмәте Йортында ТР Премьер-министры Илдар Халиков рәислегендә “Генерирующая компания” ААҖ Директорлар советының чираттагы утырышы узды.

Директорлар советы әгъзалары компаниянең 2013 елдагы эшчәнлек нәтиҗәләре хакында фикер алыштылар, агымдагы елга планлы күрсәткечләрне расладылар.

“Генерирующая компания” ААҖнең 2013 елда электр энергиясе эшләп чыгаруы 14 839 млн.кВтч тәшкил иткән, бу узган елгы күрсәткечтән 7 %ка, фаразланган күрсәткечтән 10%ка кимрәк. Үзе җитештергән җылылык энергиясен җибәрү 9 569 мең Гкал тәшкил иткән, бу 2012 елдагы күрсәткечтән 3%ка һәм планлаштырылганнан 6%ка кимрәк.

2013 елда “Генерирующая компания” ААҖ төзекләндерү программасы чыгымнарын 1млрд.80млн. сум күләмендә финанслауны планлаштырган иде, планның үтәлеше 99,5% тәшкил иткән. Капиталь төзелеш планы 98,4%ка үзләштерелгән.

“Генерирующая компания” ААҖ Директорлар советы әгъзалары тагын бер мөһим мәсьәләне карадылар – бу компаниянең җылылык челтәрләренә санация уздыру һәм аны үстерү. Җентекләп эшләнелгән программа 2028 елга кадәрге чорга исәпләнә. Илдар Халиков мәсьәләнең эшләнеше белән канәгать булуын белдерде, һәм компания җитәкчелеген, тагын да җентеклерәк анализ таләп ителгән юнәлешләргә игътибар итәргә чакырды.