Илдар Халиков “Татспиртпром”ААҖ Директорлар советының чираттагы утырышын уздырды

Бүген Татарстан Республикасы Хөкүмәте Йортында ТР Премьер-министры Илдар Халиков рәислегендә “Татспиртпром” ААҖ Директорлар советының чираттагы утырышы узды.

Директорлар советы җәмгытьнең 2014 елның гыйнвар аендагы финанс-хуҗалык эшчәнлеге нәтиҗәләре һәм 2014 елның I кварталына бурычлар турында финанс директоры А.С. Каюмованың докладын тыңлады.

2014 елның гыйнварында алкоголь продукциясе җитештерүнең күләме 16%ка арткан һәм 505 мең декалитр тәшкил иткән (2013 елның гыйнварында-434 мең декалитр).

“Татспиртпром” ААҖнең алкоголь продукциясен филиаллардан һәм “Алкоторг” ҖЧҖ аша сатуның гомуми күләме 2014 елның гыйнварында 369 мең декалитр тәшкил иткән, узган елга караганда 13%ка артык (2013 елның гыйнварында-327мең декалитр).

2014 елның гыйнварында “Татспиртпром” ААҖнең спирт заводлары тарафыннан 147 мең декалитр спирт җитештерелгән.
Спирт заводларының производство егәрлеге 100%ка файдаланылган.
Сәнәгать җитештерүе индексы 2014 елның гыйнварында 108% тәшкил иткән.

2014 елның гыйнвары өчен “Татспиртпром” ААҖ барлык дәрәҗәдәге бюджетларга 2355 млн сум салым һәм җыемнар күчергән.
Татарстан Республикасының консолидацияләнгән бюджетына 2014 елның гыйнвары өчен 796 млн сум кергән.

“Татспиртпром” ААҖнең генераль директоры Куприянов Г.Ф. җәмгыятьнең инвестиция проектларын башкару барышы турында доклад ясады.
Директорлар советы тәкъдим ителгән мәгълүматны игътибарга алды.