Илдар Халиков ТР Юстиция министрлыгы коллегиясендә: Ведомство алдына 2014 елга куелган бурычлар тулысынча үтәлгән

Бүген республиканың барлык муниципаль районнары белән видеоконференцэлемтә режимында Татарстан Республикасы Юстиция министрлыгының йомгаклау коллегиясе утырышы узды. Утырышның төп темасы ведомствоның 2014 елдагы эш нәтиҗәләре һәм 2015 елга куелган бурычлар турында иде.

Коллегия ТР Мәдәният министрлыгының утырышлар залында узды (Казан ш., Пушкин ур., 66/33).
Бу чарада Татарстан Республикасы Премьер-министры Илдар Халиков катнашты.

“Гражданнарга түләүсез юридик ярдәм күрсәтү турындагы республика законын тормышка ашыруны 2015 елның мөһим бурычы итеп саныйм,- дип хәбәр итте Премьер-министр коллегия утырышы барышында. Узган елдан күренгәнчә, бу хәрәкәт киң таралыш алды һәм республикада түләүсез юридик ярдәм күрсәтүнең дәүләт системасы формалаша”.

Илдар Халиков сүзләренчә, Бөек Ватан сугышы ветераннарына түләүсез юридик ярдәм күрсәтү буенча 2015 елда чаралар уздыруга аерым игътибар бирү кирәк.

“Ведомство алдына 2014 елга куелган бурычлар тулысынча үтәлгән,- дип белдерде Илдар Халиков. Законнар еш үзгәреп тора, бу ведомство өчен өстәмә эш. Юстиция министрлыгы федераль дәрәҗәдә һәм республика күләмендә законнарны камилләштерү өстендә актив һәм даими эшләргә тиеш”.

Аның сүзләренчә, хокукый актларның үз вакытында бастырылып чыгу мәсьәләсе актуаль булып кала.
Ул шулай ук республикада хокукый мәгълүмат рәсми порталы эшли башлавын искә төшерде, әмма бу кысаларда эшлисе эшләрнең күп булуын белдерде.

Коллегия утырышы барышында Татарстан Республикасы юстиция министры Лариса Глухова (“Татарстан Республикасы Юстиция министрлыгының 2014 елдагы эш нәтиҗәләре һәм 2015 елга куелган бурыччлар турында”) һәм Татарстан Республикасы Югары Суды рәисе Илгиз Гыйлаҗов (“Татарстан Республикасында бөтендөнья юстициясе эшләвенең кайбер мәсьәләләре”) доклад ясадылар.