Чит ил гражданнары кеременә салымның төбәк коэффициенты расланды

Чит ил гражданнары кеременә салымның төбәк коэффициенты расланды. ТР Дәүләт Советы Бюджет, салымнар һәм финанслар комитеты тәкъдиме буенча Татарстан Республикасының 2016 елга ТР хезмәт базары үзенчәлекләрен чагылдырган төбәк коэффициентын гамәлгә кую турында"гы Татарстан Республикасы законын карады. Аны комитет җитәкчесе урынбасары Илдус Касыймов тәкъдим итте.

Комитетның аңлатмасында, закон проекты Россия Федерациясе Салым кодексының 227.1 нче маддәсе 3 нче пунктына таянып эшләнгән, диелгән. Анда чит ил гражданнары кеременә салымның төбәк коэффициентын 1,81 күләмендә кертү карала. Бу шәхси эшмәкәрләр, юридик, физик затлар тарафыннан патент нигезендә республика территориясендә найм буенча эшләтелә торган чит ил гражданнарының физик затларның керемнәренә салымнар буенча билгеләнгән аванс түләүләрен исәпләгәндә файдаланыла. Төбәк коэффициенты чит ил гражданнарының 2016 елга фаразлама уртача айлык хезмәт хакыннан (23 мең 352 сум) керемгә 13 процент салым, шулай ук, коэффициент-дефляторны (1 мең 677,6 сум) исәпкә алып, салым буенча билгеләнгән аванс түләүләре күләме нисбәтеннән исәпләнгән.

Төбәк коэффициенты чит ил хезмәткәрләреннән салым түләтү, юридик затларга һәм шәхси эшмәкәрләргә мигрантларны патент нигезендә хезмәт эшчәнлегенә законлы төстә җәлеп итү исәбенә "соры" хезмәт хакын ачыклау мөмкинлеге бирәчәк.

Дәүләт Советы закон проектын беренче һәм өченче укылышларда кабул итте.