Бюджет проекты беренче укылышта кабул ителде

ТР закон чыгару органы башлыгы Фәрит Мөхәмәтшин сүзләренчә, әлеге закон проектын эшләүдә Татарстанның барлык министрлыклары һәм ведомстволары өлеш керткән.

“Безгә әле бу мәсьәләгә бер генә әйләнеп кайтмаячакбыз. Әлеге проектны 2 нче һәм 3 нче укылышта карганада, аны 2030 стратегиясенә яраклаштырырга кирәк. Бюджет проекты республиканың муниципаль берәмлекләренә дә йогынты ясый, чөнки без кабул иткән бюджетка бәйле рәвештә, алар үз бюджетларын караячак, - диде Фәрит Мөхәммәтшин. Ул шулай ук сайлаучылар белән очрашулар барышында тупланылган гозерләр һәм ихтыяҗларның барысын да республика бюджетына берьюлы кертергә мөмкин булмавын да билгеләп үтте. – Хәзерге шартларда көндәшлеккә чыдам булып калу мөһим. Бүген тәкъдим ителгән бюджет керемнәр буенча да, чыгымнар буенча да 6 процентка артыграк. Шулай ук социаль өлкәгә каралган бюджет күләме 70 процентка җитте, узган ел ул 68 процент иде. Бу исә безнең республика халкына социаль мәсьәләләрне хәл итүгә гарантия бирү, бу − хөкүмәтнең төп бурычы”, - диде ул.

“2016 ел бюджеты бик кырыс, безгә һәр тиенне санарга кирәк”, - диде бу мәсьәләдә Фәрит Мөхәммәтшин.