2016 елда РФ бюджеты дефициты 925 млрд. сум тәшкил итте

2016 елның гыйнвар-июль айларында Россия Федерациясенең тупланма бюджеты, Россия Федерациясенең финанслар министрлыгы белгечләре әйтүенчә, 925 млрд. сум дефицит белән үтәлде. Шушы вакыт аралыгында тупланма бюджетның керемнәре 14 трлн.958 млрд. сум, ә чыгымнары 15 трлн. 883 млрд. сум тәшкил итте. Агымдагы елның беренче яртыеллыгы белән чагыштырганда дефицит күләме кимеде, ул, исегезгә төшерәбез, 1,061 трлн. сум тәшкил иткән иде.