ЯҢАЛЫКЛАР
Бүген Казанда Татарстан Дәүләт алкоголь инспекциясенең 2016 елдагы эшчәнлек нәтиҗәләрен карадылар һәм 2017 елга бурычларны билгеләделәр.
Коллегия эшендә Татарстан Республикасы Премьер-министры Илдар Халиков, ТР Премьер-министры урынбасары Васил Шәйхразиев, ТР Дәүләт алкоголь инспекциясе җитәкчесе Игорь Марченко, Россия кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Татарстан буенча идарәсе җитәкчесе Марина Патяшина, “Татспиртпром” АҖ генераль директоры Ирек Миннәхмәтов катнашты.
Бүген Татарстан Республикасы Президенты, «Татнефть» ГАҖ Директорлар советы рәисе Рөстәм Миңнеханов Әлмәт шәһәрендә «Татнефть» ГАҖ Директорлар советының чираттагы утырышын уздырды.
Утырыш барышында «Татнефть» ГАҖнең 2016 елда бюджеты үтәлешенә йомгак ясалды һәм агымдагы елның февраленә бюджеты расланды. Анда геология-разведка эшләренең нәтиҗәлелеген арттыру буенча төп мәсьәләләр буенча фикер алыштылар. Традицион нефтьнең аеруча эшкәртелгән ятмаларында запаслар белән тәэмин итү, яңа ятмалар, артык үзле нефть чыганакларын һәм доманик катламнарда нефть эзләү өчен инновацияләрне актив куллану кирәклеге билгеләп үтелде (разведкага кадәр, КИН арттыру).
Нәкъ менә бу ведомство икътисадтагы үзгәрешләрне беренче булып күрә. Бу хакта бүген Татарстан Республикасы Премьер-министры Илдар Халиков ТР Хезмәт, мәшгульлек һәм социаль яклау министрлыгы коллегиясендә хәбәр итте.
Бу чара “Хезмәт, мәгульлек һәм социаль яклау: 2016 ел нәтиҗәләре һәм 2017 елда үсеш перспективалары” темасына багышланган иде һәм ул республиканың барлык муниципаль районнары белән видеоконференцэлемтә режимында узды.
Республикада экологик куркынычсызлыкны арттыру һәрвакыт беренче чиратта булачак. Бу хакта бүген ТР Премьер-министры Илдар Халиков Татарстан Экология һәм табигый байлыклар министрлыгы һәм Табигатьтән файдалану өлкәсендә күзәтчелек федераль хезмәтенең йомгаклау коллегиясендә хәбәр итте.
Бу чарада Табигатьтән файдалану өлкәсендә күзәтчелек федераль хезмәте җитәкчесе Артем Сидоров, Татарстан Экология һәм табигый байлыклар министры Фәрит Габделганиев, Табигатьтән файдалану өлкәсендә күзәтчелек федераль хезмәтенең ТР буенча идарәсе Фәрит Хәйретдинов, ТР Муниципаль берәмлекләр советы рәисе Минсәгыйть Шакиров, ТР урман хуҗалыгы министры Алмас Назиров катнашты
2016 елның гыйнвар-декабрь айларында федераль бюджет үтәлешенең алдан санаулар буенча төп күрсәткечләре түбәндәгечә:
- тупланган керемнәр күләме - 13 459 500,5 млн. сум ягъни "2016 елга федераль бюджет турында" Федераль закон белән расланган федераль бюджет керемнәренең тулы күләменнән 100,7% тәшкил итә;
- чыгымнар үтәлеше - 16 426 798,5 млн. сум, ягъни "2016 елга федераль бюджет турында" Федераль закон белән расланган федераль бюджет чыгымнарының тулы күләменнән, расланган росписьтән 98,7% тәшкил итә.
дефицит (кытлык күләме) (-) 2 967 298,0 млн. сум.
Хисап тотылучы вакыт эчендә федераль бюджетның кытлыгын эчке һәм тышкы финанслау чыганаклары сальдосы 2 924 499,8 млн. сум һәм 42 798,2 млн. сум тәшкил итте.
Бүген Татарстан Республикасы Президенты Рөстәм Миңнеханов Татарстан Республикасының Архив эше буенча дәүләт комитетының йомгак коллегиясендә катнашты. Чара «ИТ-парк» югары технологияләр өлкәсендә технопаркта (Казан) узды.
Коллегиядә шулай ук Татарстан Республикасының Архив эше буенча дәүләт комитеты рәисе Ирада Әюпова, Федераль архив агентлыгы җитәкчесе Андрей Артизов, Татарстан Республикасы Муниципаль берәмлекләре советы рәисе Минсәгыйт Шакиров, Татарстан Республикасы Президенты Аппараты Җитәкчесе Әсгать Сәфәров, Татарстан Республикасы буенча Баш федераль инспектор Ренат Тимерҗанов һәм башкалар катнашты.
Бүген Татарстан Республикасы Президенты Рөстәм Миңнеханов Россиядә һәм БДБ илләрендә Боинг компаниясе президенты Сергей Владимирович Кравченко белән очрашты.
Очрашу ТР Хөкүмәте Йортында узды.
Яклар алга таба хезмәттәшлек мәсьәләләре турында сөйләштеләр. Рөстәм Миңнеханов, аерым алганда, Татарстан делегациясе белән "Боинг"ның ике эре предприятиесендә булуы турында искәртте, анда заводлар эшчәнлеге һәм нәтиҗәле эшләү принциплары белән таныштылар.
Бүген Казанда Россия кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Татарстан буенча идарәсе коллегиясенең киңәйтелгән утырышы булды.
Коллегия эшендә Татарстан Премьер-министры Илдар Халиков, Татарстан Дәүләт Советы рәисе урынбасары Юрий Камалтынов, Россия кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Татарстан буенча идарәсе җитәкчесе Марина Патяшина, ТР сәламәтлек саклау министры Гадел Вафин, ТР буенча баш федераль инспектор Ренат Тимерҗанов катнашты.
Бүген Татарстан Республикасы Президенты Рөстәм Миңнеханов Татарстан Республикасы Прокуратурасы коллегиясенең 2016 елда ведомство органнары эшчәнлегенә йомгак ясауга һәм 2017 елга актуаль бурычларына багышланган киңәйтелгән утырышында катнашты.
Коллегия эшендә Татарстан Республикасы Прокуроры Илдус Нәфыйков, Татарстан Республикасы Дәүләт Советы Рәисе Фәрит Мөхәммәтшин, Идел буе федераль округында Россия Федерациясе Генераль прокуратурасы идарәсе башлыгы урынбасары Александр Корсунов, Татарстан Республикасы буенча Баш федераль инспектор Ренат Тимерҗанов, республика министрлыклары һәм ведомстволары җитәкчеләре, Татарстан Республикасы шәһәрләре һәм мунициципаль берәмлекләре прокурорлары катнашты.
Россия Федерациясе Финанслар министрлыгы һәм Үзәк Банкының сумның волантлыгын киметү өчен базардагы эш гамәлләре вакыт белән чикләнгән һәм 1-2 елдан артыкка сузылмыячак, дип белдерде Россия Федерациясенең беренче вице-премьеры Игорь Шувалов.
"Резервларны формалаштырып, без, бер уңайдан, үзебезнең резерв фондларында чит ил валютасын җыеп барачакбыз. Бу сум курсын тотрыкландырырга һәм аның кирәгеннән тыш катып китүеннән иминиятләштерергә мөмкинлек бирәчәк. Бу берникадәр вакыт дәвам итәчәк дип өметләнәбез. Бу гел шулай булыр дип уйларга кирәкми, бу нәкъ констракция шикелле үк. Без экспортерларга ярдәм итәргә, бер-ике елга, моннан да артыграк түгел, ниндидер тотрыклык бирергә тиеш", - дип хәбәр итте Шувалов әфәнде.