ЯҢАЛЫКЛАР
Бүген Казанда РФ Социаль иминият фондының ТР буенча төбәк бүлеге координацион советы коллегиясенең киңәйтелгән утырышы узды.
Бу чарада Татарстан Премьер-министры Илдар Халиков, Россия Социаль иминият фонды рәисе урынбасары Алексей Руденко, “РФ Социаль иминият фондының ТР буенча төбәк бүлеге” идарәчесе Рамил Гайзатуллин, республика министрлыклары һәм ведомстволары вәкилләре катнашты.
РамилГайзатуллин үзенең докладында бүген Социаль иминият фондының Татарстан бүлегендә 144 мең иминиятче бар, дип хәбәр итте. 2016 елда ике төр иминиятләштерү буенча керемнең гомуми күләме 13,2 млрд сум тәшкил итте. Үсеш 1,4 млрд сумнан артты.
Татарстан Республикасы Премьер-министры Илдар Халиков бүген “Татэнергосбыт” АҖ Директорлар советының чираттагы утырышын уздырды.
Утырыш Татарстан Республикасы Хөкүмәте йортында үтте.
Гадәттәгечә утырышта узган елга йомгак ясалды һәм агымдагы елга компаниянең бюджеты расланды.
2016 елда “Татэнергосбыт” АҖ ирешкән нәтиҗәләр: кулланучыларга электр энергиясен сату күләме 18,4 млрд кВт тәшкил иткән, бу 53,2 млрд сумга. 12 ай эчендә клиентлар базасы физик затлар 837 220 дән 850 767 гә кадәр һәм юридик затлар 33 305 тән 33 950 гә кадәр арткан.
Бүген Татарстан Республикасы Хөкүмәте Йортында Лондон бизнес мәктәбе (London Business School) профессоры Ричард Джолли «Хәзерге заман шартларында лидерлык» темасына лекция сөйләде.
Чарада Татарстан Республикасы Президенты Рөстәм Миңнеханов, Татарстан Республикасы Дәүләт Советы Рәисе Фәрит Мөхәммәтшин, Татарстан Республикасы Премьер-министры Илдар Халиков, башкарма хакимияте органнары вәкилләре, Татарстан Республикасы Министрлар Кабинетының җаваплы хезмәткәрләре катнашты.
Бүген Татарстан Республикасы Хөкүмәте Йортында узган республика киңәшмәсендә Татарстан Республикасы Премьер-министры урынбасары-Татарстан Республикасы авыл хуҗалыгы һәм азык-төлек министры Марат Әхмәтов язгы кыр эшләренә әзерлек турында хәбәр итте.
Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министрының беренче урынбасары Алексей Песошин да катнашты.
Бүген Түбән Камада Татарстан Республикасы Транспорт һәм юллар хуҗалыгы министрлыгы коллегиясенең күчмә киңәйтелгән утырышы узды, ул 2016 елда республиканың транспорт комплексы эше йомгакларына һәм 2017 елга бурычларына багышланды.
Коллегия эшендә Татарстан Республикасы Президенты Рөстәм Миңнеханов, Россия Федерациясе Президенты ярдәмчесе Игорь Левитин, Россия Транспорт министры Максим Соколов, Татарстан Республикасы юллар хуҗалыгы һәм транспорт министры Ленар Сафин, Куйбышев тимер юлы – «РЖД» ААҖ филиалы башлыгы Рәшид Сәйбатталов, Татарстан Республикасы буенча Баш федераль инспектор Ренат Тимерҗанов, Түбән Кама мунициципаль районы башлыгы Айдар Метшин һәм башкалар катнашты.
Татарстан Республикасы Президенты Рөстәм Миңнеханов бүген «Россия тимер юллары» ачык акционерлык җәмгыяте филиалы - Куйбышев тимер юлының яңа җитәкчесе Рәшит Сәйбатталов белән очрашты.
Очрашу Рөстәм Миңнехановның Түбән Камага эшлекле сәфәре кысаларында узды.
Әңгәмә барышында Татарстан Республикасы һәм Куйбышев тимер юлы арасындагы хезмәттәшлек турында сүз барды, шулай ук республикада тимер юл инфраструктурасын модернизацияләү мәсьәләләре каралды.
Бүген Татарстан Республикасы Министрлар Кабинетында Татарстан Республикасы Инвестиция-венчур фонды Күзәтчелек советының чираттагы утырышы булды.
Күзәтчелек советы утырышын Татарстан Республикасы Премьер-министры Илдар Халиков уздырды.
Утырышның көн тәртибенә ТР Инвестиция-венчур фонды эшчәнлегенә кагылышлы дүрт мәсьәлә кертелгән иде.
Бүген Татарстан Республикасы Президенты Рөстәм Миңнеханов Татарстан Республикасы кече нефть предприятиеләре җитәкчеләре белән киңәшмә уздырды.
Чара Әлмәттә үткәрелде ("Татнефть" ГАҖ административ бинасы) һәм Татарстан Республикасы кече нефть предприятиеләренең 2016 елда эше нәтиҗәләре һәм 2017 елга бурычларына багышланган иде.
Киңәшмәдә "Татнефть" ГАҖ генераль директоры Наил Маганов катнашты.
Татарстан Республикасы Финанслар министрлыгында 2017 елның 25 гыйнварында муниципаль район һәм шәһәр берәмлекләренең финанс органнары җитәкчеләре белән 2016 елда җирле бюджетларның үтәлеш күрсәткечләрен һәм 2017 елның гыйнвар аенда көтелүче күрсәткечләрен тикшерү буенча киңәшмәләр узды.
Әлеге киңәшмәдә "Россия Федерациясендә Татарстан Республикасы буенча Пенсия фонды бүлекчәсе" Дәүләт учреждениясе, "Татэнергосбыт" ААҖ, "Газпром Межрегионгаз Казан" ЯАҖ вәкилләре дә катнашты.
Киңәшмәләр барышында 2016 елда җирле бюджетларның үтәлеше нәтиҗәләре, шулай ук 2017 елның гыйнвар аенда керемнәрнең туплануы, планлаштырылган чыгымнарның керемнәре белән тәэмин ителеше, хезмәт хакын үз вакытында түләү мәсьәләләре тикшерелде.
Татарстан өченче ел рәттән сатып алуның ачык булуы буенча илкүләм рейтинг нәтиҗәләре буенча югары бәя ала. Бу хакта Татарстанның Сатып алу буенча дәүләт комитеты коллегиясенең йомгаклау утырышында аның рәисе Ольга Редько сөйләде.
Коллегия эшендә ТР Премьер-министры Илдар Халиков, ТР буенча баш федераль инспектор Ренат Тимерҗанов, ТР Дәүләт Советы рәисе урынбасары Юрий Камалтынов катнашты.
Коллегия утырышында билгеләнгәнчә, бюджет акчасын экономияләү килешенгән контрактлар нәтиҗәләре буенча 2,85 млрд сум тәшкил иткән.