ЯҢАЛЫКЛАР

Җыеп барган акчасын, малын саклау мәсьәләсе Россия халкы өчен әһәмиятле: ел саен кешеләр банк карталарыннан йөзләгән миллион сум акча югалта, алдакчыларга юлыга, финанс базарында катнашучыларның караклыгы белән очраша. Шуңа күрә быел үткәлерүче III Россиякүләм саклык атналыгы мошенник-алдакчыларның гамәлләреннән саклану, дөрес финанс тәртип кагыйдәләренә, җыелган акчага карата җаваплы караш принципларына багышланган.

"Безнең әлеге чараларда катнашучылар чыгымнарын ничек тикшереп торырга, акчаны сак тоту һәм дөрес итеп инвестициялә һәм шул ук вакытта алдакчы-караклардан ерак тору турында үзләре өчен бик күп файдалы мәгълүматлар табачак", - дип билегәп узды Россия Федерациясе финанс министры урынбасары Сергей Сторчак. Аның сүзләре буенча, әлеге атнаның башка атналардан аерылуы чараларның күбесенең эш урыннарында узуы. "Тәҗрибә күрсәткәнчә, эш белән тәэмин итүчеләр үзләренең хезмәткәрләренең белемен арттыруда кызыксынган".   

Киләсе елда республика бюджет дефициты 7,6 млрд сум тәшкил итәчәк. Быел дефицит 5,8 млрд сум булган. Моннан тыш республика бюджетына тискәре йогынты ясый торган тагын берничә күрсәткеч бар. Бу хакта бүген Татарстан Дәүләт Советының бюджет, салымнар һәм финанс комитеты утырышында республиканың финанс министры Радик Гайзатуллин хәбәр итте.

Аның сүзләренчә, керемгә булган салымның 1 процентын, ягъни 3,5 млрд сумны федераль казнага бирү Татарстан бюджетына тискәре йогынты ясый торган факторларның берсе. Шулай ук федераль бюджеттан алынган 6,8 млрд кредитларны кайтару да төбәк казнасында чагылыш табачак. Моннан тыш, файдалы казылмаларга салымнар арту да республика бюджетына йогынты ясый.

Бүген 2017 елга һәм 2018, 2019 елдагы план чорына Татарстан Республикасы тупланма бюджеты проекты буенча Яр Чаллы шәһәрендә зональ киңәшмә узды. Әлеге киңәшмәдә шулай ук 2017-2019 елларга Татарстан Республикасының социаль-икътисади үсеш фаразы да тикшерелде.

Бүгенге киңәшмәдә катнашучылар - муниципаль районнарның финанс идарәсе җитәкчләре һәм белгечләре, республиканың Кама артындагы Дәүләт Советы депутатлары республиканың социаль-икътисади үсеш фаразларының төп күрсәткчләре, агымлагы елда бюджет үтәлеше һәм өч еллык бюджет проекты белән таныштылар. 

Татарстан Республкиасы финанс министры Радик Гайзатуллин агымдагы елның 9 аенда бюджет үтәлеше турында чыгыш ясады. Республика бюджетына шушы вакыт эчендә 164,2 млрд. сум күләмендә салым һәм салым булмаган керемнәр тупланган.

22 октябрь көнне 2017 елга һәм 2018, 2019 елдагы план чорына Татарстан Республикасы бюдңеты турында закон проекты һәм 2017 елга һәм 2018, 2019 елдагы план чорына Татарстан Республикасының социаль-икътисади үсеше фаразы буенча Биектау районында фикер алыштылар.

Татарстан Республикасы финанс министры Радик Гайзатуллин "2017 елга һәм 2018, 2019 елдагы план чорына Татарстан Республикасы бюджеты турында" чыгыш ясады. Шулай ук ул агымдагы ел бюджетының үтәлеше үзенчәлекләре турында да сөйләп узды.

2017 елга һәм 2018, 2019 елдагы план чорына Татарстан Республикасының социаль-икътисади үсеше фаразы турында Татарстан Республикасы икътисад министры урынбасары Олег Пелевин тәфсилләп сөйләде.

Татарстан Республикасы Президенты Р.Н.Миңнеханов кушуы буенча, инде традициягә әйләнгәнчә, бюджет проекты Татарстан Республикасы Дәүләт Советы утырышында беренче уклылышта каралыр алдыннан зональ киңәшмәләрдә тикшерелә.

 2017 елга һәм 2018, 2019 елдагы план чорына Татарстан Республикасы бюджеты турында закон проекты һәм 2017 елга һәм 2018, 2019 елдагы план чорына Татарстан Республикасының социаль-икътисади үсеше фаразын тикшеръ буенча беренче зональ киңәшмә Югары Осланда уздырыла. Әлеге киңәшмәгә республика вәкилләре һәм якындагы җиде районнан делегация вәкилләре дә катнашты. 

Татарстан Республикасы финанс министры Радик Гайзатуллин "2017 елга һәм 2018, 2019 елдагы план чорына Татарстан Республикасы бюджеты турында" чыгыш ясады. Шулай ук ул агымдагы ел бюджетының үтәлеше үзенчәлекләре турында да сөйләп узды.

2017 елга һәм 2018, 2019 елдагы план чорына Татарстан Республикасының социаль-икътисади үсеше фаразы турында Татарстан Республикасы икътисад министры урынбасары Олег Пелевин тәфсилләп сөйләде.

Татарстан Авыл хуҗалыгы һәм азык-төлек өлкәсендә җитештерелгән продукция суммасы 2017 елда 250 млрд сум булыр дип фаразлана. Бу хакта бүген Татарстан Дәүләт Советының экология, табигатьтән файдалану, агросәнәгать һәм азык-төлек сәясәте комитеты утырышында республиканың икътисад министры урынбасары Айрат Шәмсиев хәбәр итте. Бу бөртекле культуралар уңышын арттыру, ит җитештерүне үстерү һ.б. хисабына гамәлгә ашырылачак.

Министр урынбасары билгеләп үткәнчә, республикада кече һәм урта бизнес белән шөгыльләнүчеләр арткан һәм аларның гомуми саны 143 меңгә якынлашкан. Күпчелеге авыл хуҗалыгы өлкәсе белән бәйле.

Бүген Татарстан Республикасы Дәүләт Советында узган парламент тыңлауларында “2017 елга һәм 2018, 2019 елдагы план чорына бюджет турында” закон проекты тикшерелде. Чарада ТР Премьер-министры Илдар Халиков катнашты.

Парламент тыңлауларына чыгарырдан элек  әлеге документның проекты профильле юнәлешләр буенча барлык  комитетларның утырышында каралган иде. Төп закон һәрбер депутат тарафыннан җентекләп өйрәнелә.

Киләсе елда республика бюджетының керемнәре 166,8 миллиард сум булыр, дип көтелә. Чыгымнар күләме исә – 174,4 миллиард сум. Дефицит 7,6 миллиард сум тәшкил итә. Әмма әлегә бюджет тулы күләмдә формалаштырылмаган. Федераль акчалар исәпкә алынмаган әле.

2017 елга Татарстанның мәдәният һәм кинематография өлкәсенә 6761,2 млн сум күләмендә акча бүлеп биреләчәк. 2018 елга бу сумма 7119,4 млн сум, 2019 елда 7083,4 млн сум тәшкил итәчәк. Бу хакта бүген Мәгариф, мәдәният, фән һәм милли мәсьәләләр комитеты рәисе Разил Вәлиев җитәкчелегендә узган утырышта республика финанс министры урынбасары Алла Анфимова хәбәр итте.

Агымдагы ел бюджетын раслаганда, Татарстан Мәдәният министрлыгына 3820,5 млн сум акча бүлеп бирелгән булган. 2017 елга бүленәчәк бюджет хисабына “Зөя утрау-шәһәрчеге һәм борынгы Болгар мәдәни мирасы” комплекслы проектын, “2014-220 елларда Татарстан Республикасы мәдәниятен үстерү” прграммасын тормышка ашыру һәм тагын 6 дәүләт программасы гамәлгә кую каралган.

18 октябрьдә Татарстан Дәүләт Советының законлылык һәм хокук тәртибе комитеты утырышы булды. Утырышны комитет рәисе Шакир Яһүдин алып барды.

Агымдагы елда Россиядә тулаем төбәк продукты 0,6 процентка кимегән. 2015 елда әлеге күрсәткеч 3,7 процент булган. Татарстанда исә бу юнәлештә уңай үсеш күзәтелә. Республикада тулаем төбәк продукт быел 102,5 процент тәшкил итә. Бу хакта бүген  Татарстан икътисад министры урынбасары Олег Палевин хәбәр итте. Утырыш барышында Татарстан Республикасының 2017 елга һәм 2018, 2019 еллар планлы чорына бюджет проекты каралды.

Бу ел нәтиҗәләре буенча Татарстанда тулаем төбәк продукты 1 трлн 929 млрд сум тәшкил итәр һәм 102,3 процент үсештә булыр дип фаразлана. 2017-2019 елларда тулай төбәк продукты үсеше 103,1-104,2 процент булыр дип көтелә.

2016 елның гыйнвар-сентябрь айларында федераль бюджет үтәлешенең төп күрсәткечләре якынча исәпләүләр белән түбәндәгечә:

- тупланган керемнәр күләме - 9 293 990,1 млн. сум, яисә "2016 елга федераль бюджет турында" Федераль закон белән расланган федераль бюджет керемнәренең гомуми күләменнән 67,6%;

- чыгымнар үтәлеше - 10 869 524,2 млн сум, яисә "2016 елга федераль бюджет турында" Федераль закон белән расланган федераль бюджет чыгымнарының гомуми күләменнән 67,5%, ачыкланган росписьнең 66,6%.

-кытлык күләме (-) 1 575 534,1 млн. сум.

Әлеге мәгълүмат Россия Федерациясе финанслар министрлыгының рәсми сайтыннан алынды.