ЯҢАЛЫКЛАР

2016 елның март аенда Россиянең Финанслар министрлыгы һәм Росфиннадзор (2016 ел дәвамында аудитор оешмаларны тикшерү буенча Росфиннадзорның функцияләре Федераль Казначылыкка күчәчәк) Аудит эшчәнлекне бәйсез рәвештә җайга салу буенча Халыкара форумга (IFIAR – International Forum of Independent Audit Regulators) кушылды. Әлеге форум 2006 елда барлыкка килгән.

2016 елның 22 мартында Федерация Советының федератив төзелеш, төбәк сәясәте, җирле үзидарә һәм Себер эшләре буенча Комитетның киңәйтелгән утырышында Россия Федерациясе субъектларының бюджет чыгымнары нәтиҗәлелеген арттыру буенча Россия Федерациясе Финанслар Министрлыгы тәкъдимнәре тикшерелде.

Финанслар министры урынбасары Алексей Моисеев үз чыгышында белдергәнчә, Министрлык төбәкләр буенча мәгълъматларны тикшергән. Аерым алганда, дәүләт программалары, дәүләт күрсәткән хезмәтләр, дәүләт сатып алулары һәм бюджетара транфертлар тикшерелгән. Министр урынбасары сөйләвенчә, дәүләт һәм муниципаль финанслар белән идарә итү буенча тәҗрибәләре белән уртаклашучы актив субъектлар арасына Свердловск һәм Омск өлкәләре, Пермь өлкәсе, Санкт-Петербург керә.

Бүген Казанда Татарстан Республикасы Президенты Рөстәм Миңнеханов рәислегендә "Татнефть" ГАҖ Директорлар советының чираттагы утырышы узды. 

Совет эше барышында 2016 елның ике аенда компания бюджетының үтәлешенә нәтиҗәләр чыгарылды һәм 2016 елның апрель аена һәм икенче кварталына бюджеты расланды. 

Татарстан Республикасы Финанслар министрлыгында 22 март көнне Татарстан Республикасы Финанслар министры урынбасары Данил Волковта кредит оешмалары вәкилләре белән киңәшмә узды. Әлеге очрашу барышында 2015 елда һәм 2016 елның агымдагы периодында Татарстан Республикасы бюджетына кертелгән табышка салым кимүенең сәбәпләре тикшерелде.

Әлеге киңәшмәдә Татарстан Республикасының Милли Банкы белгечләре һәм Татарстан Республикасы буенча Россия Федерациясенең Федераль салым хезмәте идарәсе вәкилләре дә катнашты.

Россия Федерациясенең Финанслар министрлыгы кайбер эмитентларның начар сыйфатлы рейтинглары бюджет акчаларының югалтуларына китергәнлеген ачыклады. Бу турыда Россия Федерациясенең Финанслар министры урынбасары Алексей Моисеев "Россиянең рейтинг өлкәсе: бүгенге торышы һәм үсеш мөмкинлекләре" темасына түгәрәк өстәл барышында белдерде.

"Әйе, чыннан да чыгымнар артачак. Ләкин, кызганычка каршы, моны кисәтеп булмый. Бу өлкәдә начар сыйфатлы рейтинглар аркасында бюджет алучылар байтак кына акча югалтуы сәбәпле Сезнең белән Безнең чыгымнарыбыз болай да артты", - диде ул, милли бәяләү буенча рейтинглауга эмитентларның чыгымнары турында фикерләрен җиткереп.   

Татарстан Республикасында 2016 елның 18 мартына 512,5 мең кв. м. торак файдалануга тапшырылган, бу үткән елның шушы чоры белән чагыштырганда 106% тәшкил итә. Бүген бу хакта Татарстан Республикасы Хөкүмәте Йортында уздырылган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте. 

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министры Илдар Халиков та катнашты.  

Бүген Татарстан Республикасы Президенты Рөстәм Миңнехановка «Дәүләт заказы, инвестицион эшчәнлек һәм төбәкара элемтәләр агентлыгы» ДУПнең 2015 елда эш йомгакларын һәм 2016 елга планнарын тәкъдим иттеләр.   

Киңәшмә Татарстан Республикасы Хөкүмәте Йортында узды, анда Татарстан Республикасы Премьер-министры Илдар Халиков, Татарстан Республикасы Премьер-министры урынбасары-Татарстан Республикасы авыл хуҗалыгы һәм азык-төлек министры Марат Әхмәтов, Татарстан Республикасы икътисад министры Артем Здунов, Сатып алулар буенча Татарстан Республикасы дәүләт комитеты рәисе Ольга Редько һәм башкалар катнашты.

Чит ил рейтинг агентлыклары Россиядән китәргә җыенмыйлар, дип белдерде Россия Федерациясенең финанслар министры урынбасары Алексей Моисеев.

"Берникадәр вакыт элек халыкара рейтинг агентлыклары Россиянең яңа кануннары буенча эшләргә әзер түгел дигән имеш-мимешләр булган иде. Мин бу сүзләрне дөрес түгел дип беләм", - дип белдерде Моисеев "Россиянең рейтинг өлкәсе: бүгенге торышы һәм үсеш мөмкинлекләре" исемле конференциядә.

Кертемнәрне иминиятләштерү буенча агентлыкның Директорлар советы Россия Федерациясенең Үзәк Банкыннан 170 миллиард сум күләмендә яңа кредит җәлеп итүне хуплады, дип белдерде Россия Федерациясенең Финанслар министры урынбасары Алексей Моисеев журналистларга. 

"Берәр хәл була калса, тиз арада берәр гамәл кылу мөмкинлеге булсын өчен, агентлыкка Үзәк банктан өстәмә кредит алу турында карар кабул ителде", - диде Моисеев, кертемнәрне иминиятәштерү агентлыгы буенча директорлар советы утырышы нәтиҗәләре турында фикерләрен җиткереп.

2016 елның 15 февраленнән 14 мартына кадәр вакыт аралыгында Urals нефтенә уртача бәя баррель өчен 33,38643, ягъни тоннасы өчен 243,7 доллар тәшкил итте. Россия Финанслар министрлыгы исәп-хисаплаулары буенча, Россия Федерациясендә нефтькә экспорт пошлинасы 2016 елның 1 апреленнән 15,4 долларга артып тоннасы өчен 54,9 доллар тәшкил итәчәк. Югары лайлалы нефтькә пошлина 6,2 долларга артып 4,2 доллар тәшкил итәчәк. 

Әлеге мәгълүмат Россия Федерациясенең Финанслар министрлыгы сайтыннан алынды.