ЯҢАЛЫКЛАР

АКШ һәм РФ белгечләре тиз арада FATCA буенча килешү параметрлары белән уртак фикергә киләчәк (АКШ американлы салым түләүчеләрнең чит ил счетларына салым контоле турында закон). Бу турыда журналистларга   РФ финанслар министры  Антон Силуанов хәбәр итте.

РФ Икътисадый үсеш министрлыгы җитәкчесе Андрей Белоусов экологик инновацион продукция җитештерүче компанияләр өчен табышка салым буенча ташламалар куллану турында тәкъдимне хуплады.

Россия Федерациясе Финанслар министрлыгы финанс операцияләргә салым салуда ташламалар турында тәкъдм әзерләде, дип хәбәр итте җомга көнне финанслар министры Антон Силуанов.

Алдагы өч елда уртача оптимистик торыш сценариен тормышка ашыру буенча дәүләтнең барлык бурычлары тулы күләмдә түләнәчәк, бу макчатларга чыгымнарны кисү булмыячак, диде финанслар министры Антон Силуанов.

 Бүген Казан шәһәре думасының XXII утырышында депутатлар 2012 елда Казан бюджеты үтәлеше буенча исәп-хисапны расладылар. Исегзгә төшерәбез, бюджет үтәлеше нәтиҗәләрен Казан шәһәре думасы мартта ук халык игътибарына тәкъдим итте.

Тагын бер айдан Алматаның Үзәк паркында татарларның милли бәйрәме Сабан туе узачак. Бәйрәм чараларында Президент Рөстәм Миңнеханов җитәкчелегендә Татарстан делегациясе катнашачак. Бу хакта бүген Кремльдә Татарстан Президентының Алмата шәһәре хәкиме Әхмәтҗан Есимов белән очрашуы вакытында да сүз булды. 

Алмата делегациясенең Татарстанга эш сәфәренең төп максаты – Казанның Универсиадага әзерлек буенча тупланган тәҗрибәсе белән якыннан танышу. Билгеле булганча, Казахстанның әлеге эре шәһәре 2017 елда кышкы Универсиаданы кабул итәргә җыена. “Кышкы Универсиаданың масштаблары мондагы кадәр үк булмаячак, билгеле. Шулай да Казанда җәйге Универсиадага әзерләнү буенча тупланган тәҗрибәне өйрәнү безнең өчен бик мөһим. Халыкара студентлар спорты уеннарына әзерлек, аны уздыру, объектларны әзерләү, иминлек һ.б. мәсьәләләр буенча коллегаларыбыздан тулы мәгълүмат алып, үзебез өчен нәтиҗәләр ясадык”, - ди Әхмәтҗан Есимов. 

2013 елның 15 маенда РТ финанслар министры урынбасары Алексей Шишкинда 2018 елга хәтле җәмагать (дәүләт һәм муниципаль) финанслары белән идарә итү нәтиҗәлелеген арттыру буенча федераль программа проектын тикшерүгә багышланган киңәшмә узды.  Тикшерү нәтиҗәләре буенча Россия Федерациясенә тиешле тәкъдимнәр җибәреләчәк.

РФ Финанслар министрлыгы агымдагы елда да, шулай ук 2014-2015 елларга да федераль бюджетның чыгымнарын арттыру өчен өстәмә мөмкинлекләр күрми, дип белдерде РФ финансла министры Антон Силуанов, Дәүләт Думасында чәршәмбе көнне чыгыш ясау вакытында.

Агымдагы елның бюджетына кертелүче үзгәрешләр икенче төрле бүлеп бирүне генә күздә тотканын искәртте ул. "Без алдагы еллардагы сыман чыгымнарны арттырмыйбыз", - диде ул, шул ук вакытта бу Россия икътисадында күзәтелүче рисклар белән бәйле икәнен дә искәртте.

Дәүләт Думасы бүген 2013 елга һәм 2014-2015 елдагы план чорына федераль бюджетка үзгәрешләр кертү турында законны беренче укылышта кабул итте. Үзгәрешләр 2012 елда һәм 2013 елның беренче кварталында федераль бюджет ёщм бюджеттан тыш дәүләт фондларының бюджет үтәлешен истә тотып әзерләнде. Шул ук вакытта документ агымдагы ел бюджетына нигез итеп алынган төп параметрлар үзгәрешен күз алдында тотмый, чөнки, РФ финанслар министры Антон Силуанов сүзләренчә, нефтегаздан булмаган кремнәрнең артуы күздә тотылмый.

Россия Федерациясендә 2013 елның 1 июненнән нефтькә экспорт пошлинасы бәясе 19 долларга кимиячәк - шулай итеп ул тонна өчен 359,4 доллар тәшкил итәчәк. Бу турыда Финанслар министрлыгы исәп-хисапларына нигезләнеп "Интерфакс-АФИ" ясаган хисаплар сөйли.

Бүгенге көндә нефтькә экспорт пошлинасы бәясе тоннасы өчен 378,4 доллар тәшкил итә.