ЯҢАЛЫКЛАР

Татарстан Республикасының Финанаслар министрлыгында 29 гыйнварда муниципаль берәмлекләрнең финанс органнары җитәкчеләре белән очрашуларда 2013 елның беренче аенды җирле бюджетларның үтәлеше тикшерелде.

Татарстан Республикасы Премьер-министры Илдар Халиков Корея Республикасы делегациясе әгъзалары белән очрашты. Россия Федерациясенә казна мәгълүмат системалары һәм аларның тышкы мәгълүмат системасы интеграциясе өлкәсендә тәҗрибә уртаклашу кысаларында, Корея Республикасы вәкилләре ТР га танышу визиты белән килде.

Корея Республикасы делегациясе составында - Корея Республикасы Стратегия һәм финанслар министрлыгының фискаль мәгълүмат системасы департаменты директоры Хьянг Ву Женг, директор ярдәмчесе Сунг Хе Ким, Корея Республикасы Стратегия һәм финанслар министрлыгының халыкара мөнәсәбәтләр өлкәсендә координаторы Джи Ен Ким һ.б. Федераль казначылык ягыннан Корея кунакларын Федераль казначылык Административ идарәсе җитәкчесе Андрей Гурович, Федераль казначылыкның ТР буенча Идарәсе җитәкчесе Рөстәм Нурәхмәтов һ.б. озатып йөрде.
Илдар Халиков кунакларны сәламләп, бүген Россия төбәге буларак Татарстан Республикасы белән Корея Республикасы арасында эшлекле элемтәләр күбәйгәннән күбәя, дип билгеләп үтте. Республикада чит ил капиталы булган компанияләр саны күп, 1300 тирәсе, шул исәптә 600дән артыгы – 100 процент чит ил капиталы белән дип белдерде ул. Татарстанда "Йокогава Электрик”, “Бош”, “Шнайдер Электрик”, “Роквул” һ.б. кебек дөньяви исемгә ия компанияләр тәкъдим ителгән.

Россия Федерациясе Финанслар министрлыгы Дәүләт Думасы депутатлары шундый структура өчен тагы да яхшырак туры килүче статус тәкъдим итсәләр, Росфинагентлыкны ачык акционерлык җәмгыяте формасында барлыкка китерүдә катгый тормый. Бу турыда каләм ияләренә РФ финанслар министры Антон Силуанов хәбәр итте.

Бүген Татарстан Республикасы Президенты Рөстәм Миңнеханов төрек касәбчеләре делегациясе - автокомпонентлар буенча IV рус -төрек форумында катнашучылар белән очрашты.

Бүген Татарстан Республикасы Президенты Рөстәм Миңнеханов Республика яшьләр форумы-2012 иң яхшы проектлары күргәзмәсендә булды һәм җиңүчеләрне бүләкләүдә катнашты. IT-лицейда узган чарага федераль конкурс мәйданчыкларында җиңүчеләр, ТР махсус дәүләт стипендиясен алучылар, ТР Дәүләт Советы, ТР Президенты Аппараты, ТР Министрлар Кабинеты, республика министрлыклары һәм ведомстволары вәкилләре, вузлар ректорлары һ.б. чакырылган иде. 2012 ел Олимпия чемпионы Юлия Зарипова һәм “Голос” телепроекты җиңүчесе Динә Гарипова тантана кунагы булды.
Республика яшьләр форумы – яшьләр һәм яшьләр командасы үз проектын тәкъдим итә һәм яклый ала проектны гамәлгә ашыру өчен үз тарафдарларын эзләү инновацион мәйданчыгы һәм алар җәмәгатьчелек, дәүләт ярдәменә ия була. Форумда 16 яшьтән 30 яшькәчә яшьләр, ТР вузлары һәм ссузлары студентлары, ТР балалар һәм яшьләр иҗтимагый берләшмәләр активистлары катнаша ала. 2012 ел форумы 1 июньдә старт алды һәм 3 этаптан тора. Республика яшьләр форумы финалы декабрьдә булды.

Татарстан Республикасы финанслар министрлыгында мәгариф учрежденияләре буенча АЦК-финансларга бюджет росписендщге средстоларны кертъ буенча видеоэлемтә системасында киңәшмә узды. Киңәшмәдә АЦК-финанслар системасына бюджет росписендщге средстволарны кертүдә төрле кыенлыкларга дучар булган муниципаль берәмлекләр катнашты. Видеокиңәшмә нәтиҗәләрендә муниципаль берәмлекләргә кирәк булган санауларны әзерләп Татарстан Республикасының Финанслар министрлыгына тапшырыга киңәш ителде.

Универсиаданың һәр объекты контрольдә һәм эш төгәл график буенча бара. Бу хакта бүген ТР Президенты Рөстәм Миңнеханов ТР Хөкүмәт Йортында республиканың ММЧ җитәкчеләре белән очрашуда белдерде.

“Татар-информ” МА генераль директоры Леонид Толчинскийның төзүчеләр Универсиаданың барлык объектларын вакытында тапшырырга өлгерерләрме, дигән соравына җавап биргәндә, ТР Президенты: “Бүген барлык сораулар хәл ителгән, эш куелган. Һәрбер объект контрольдә. Атна саен без эшнең ничек баруын график буенча карыйбыз һәм график буенча безнең барысы да туры килә. Барысы да яхшы булыр, дип уйлыйм” .

Бу көннәрдә Татарстан Президенты Рөстәм Миңнеханов Швейцариянең Давос шәһәрендә эш сәфәрендә. Сәфәрнең максаты – Россиянең рәсми делегациясе составында Бөтендөнья икътисади форумы ачылышында катнашу. Россия делегациясенә РФ Премьер-министры Дмитрий Медведев җитәкчелек итә.

Быелгы форум мәйданында барлык фикер алышулар “Тотрыклы динамизм” темасына берләшкән. Очрашуның төп шигаре – “Эшмәкәрлек барлык дөнья җәмәгатьчелеге мәнфәгатьләрендә”.

Кичә Рөстәм Миңнеханов Россия рәсми делегациясе составында форумның ачылышында катнашты, дип хәбәр итә Президентның матбугат хезмәте. Моннан тыш, Татарстан Президентының эшлекле очрашулары планлаштырылган. Аерым алганда, Бөтендөнья икътисади форумына нигез салган профессор Клаус Шваб белән очрашуда алга таба хезмәттәшлек перспективалары каралган.

Бүген Бюджет, салымнар һәм финанслар комитетында каралган “Татарстан Республикасының 2013 елга, 2014 һәм 2015 елларның планлы чорына бюджеты турында” ТР Законына үзгәрешләр кертү турында” һәм “Татарстан Республикасы бюджетына федераль бюджеттан бюджет кредитлары бирү турында килешүләргә өстәмә килешүләрне раслау турында” закон проектлары реструктуризацияләү эшләре белән бәйле.

Бүген көннең икенче яртысында Татарстан Республикасы Президенты Рөстәм Миңнеханов Россия Федерациясенең социаль-икътисади үсешенең максатлы күрсәткечләренә ирешү мониторингы буенча россия Президенты каршындагы Комиссия утырышында катнашты.