ЯҢАЛЫКЛАР

2012 елда республиканың терлекчелек тармагындагы төп күрсәткечләр хакында бүген ТР Хөкүмәте йортында Премьер-министр Илдар Халиков рәислегендә узган республика киңәшмәсендә авыл хуҗалыгы һәм азык-төлек министрының беренче урынбасары Минсәгыйрь Нуретдинов хисап тотты.

Аның сүзләренә караганда, узган ел Татарстанда 330 мең тонна ит җитештерелгән. 2011 ел белән чагыштырганда, үсеш 12 процент тәшкил иткән. Иң зур үсеш – кош итен җитештерүдә (19 процент). Дуңгыз ите җитештерү 12 процентка арткан. Ел дәвамында дуңгызлардан -1 млн баштан артык, мөгезле эре терлектән 280 баш токым алынган.

Татарстан Республикасы финанс министрлыгы хезмәткәрләре сукыр һәм начар күрүче балалар өчен Лаеш махсус (коррекцион) мәктәп-интернатында укучыларга ярдәм күрсәтте. Балалар өчен махсус яңа ел бүләкләре таратылды. 

Спас муниципаль районының агымдагы елда консолидацияле бюджетны үтәү 2011 елда ирешкән күрсәткечләрдән күпкә артыграк. Керем өлеше буенча ул 335,0 миллион сум күләмендә кабул ителгән. Ел дәвамында ул республикадан алынган өстәмә акчалар һәм өстәмә керемнәр исәбенә тулыландырылган. 1 декабрьгә ачыкланган консолидацияле бюджет күләме 429,0 миллион сум тәшкил итә, үсеш – 28 процент, яки 94 миллион сум. Район буенча бюджет 92 миллион сумга, яки 23 процентка ачыкланган.

11 ай эчендә консолидацияле бюджет 394 миллион сумга үтәлгән, яки ачыкланган еллык планның 92 процентын тәшкил итә. 1 декабрьгә республикадан бюджетара трансфертларның барысы да алып бетерелгән. Салым һәм салым булмаган керем алуның торышы да канәгатьләнерлек. Агымдагы елның 11 ае эчендә консолидацияле бюджетка үзкеремнәр 99,7 млн. сум күләмендә кергән, бу узган ел белән чагыштырганда 135 процент тәшкил итә. Бу чорда планнан тыш керем дә алынган, ул 15,3 миллион сум күләмендә өстәмә чыгымнарга тотылган, дип хәбәр итә “Яңа тормыш” газетасы хәбәрчеләре.

 Бүген ТР Премьер-министры Илдар Халиков ТР Инвестиция-венчур фонды Попечительләр советының чираттагы утырышын уздырды, дип хәбәр итә ТР Президенты матбугат хезмәте.

Утырыш ТР Хөкүмәт йортында үтте, анда шулай ук вице-премьер – республиканың сәнәгать һәм сәүдә министры Равил Зарипов, ТР мәгариф һәм фән министры Энгель Фәттахов, ТР Инвестицион үсеш агентлыгы җитәкчесе Линар Якупов катнашты.

Утырыш барышында Попечительләр советы вәкилләре тарафыннан бер төркем мәсьәләләр каралды. Аерым алганда, катнашучылар ТР ИВФ уставына үзгәрешләр кертү өчен тавыш бирделәр. Шулай ук Попечительләр советы вәкилләре 2013 нче елга Фондның сметасы турындагы мәсьәләне карадылар.

 Район, авыл җирләрендә юлларны карап тотуны җайга салу өчен, предприятиеләрне юл техникасы белән тәэмин итү буенча лизинг фонды булдыру, су белән тәэмин ителешкә кагылышлы программаны уңышлы гамәлгә ашыру өчен элеккечә су өчен салым системасына кайту, муниципалитетларны өстәмә керемнәр алуга стимуллаштыру һ.б. Муниципалитетларны борчыган әлеге актуаль мәсьәләләр бүген ТР Муниципаль берәмлекләре советының VII съездында күтәрелде. Совет рәисе Минсәгыйть Шакировның тулы мәгълүмат һәм анализга корылган чыгышында бу юлы да узганындагы кебек муниципалитетларны борчыган проблемаларга үзәк урын бирелгән иде. Съезд эшендә ТР Президенты Рөстәм Миңнеханов, ТР Дәүләт Киңәшчесе Минтимер Шәймиев, Дәүләт Советы рәисе Фәрит Мөхәммәтшин, Премьер-министр Илдар Халиков, Татарстаннан сайланган РФ Дәүләт Думасы депутатлары, Федерация Советы әгъзалары, Татарстан Дәүләт Советы депутатлары, республикадагы 974 муниципаль берәмлекнең барысыннан да делегатлар катнашты.

Татарстанда шәһәр яны һәм халыкара транспортта пассажирлар ташу куркынычсызлыгы контролен көчәйтергә кирәк. Ул хакта Татарстан Республикасы Президенты Рөстәм Миңнеханов бүген ТР Министрлар Кабинеты утырышында белдерде. Утырышта "2006-2012 елларга юл хәрәкәте иминлеген арттыру" федераль максатчан программасының нәтиҗәләре каралды. Әлеге утырышны видеоконференция тәртибендә ТР Премьер-министры Илдар Халиков республиканың барлык муниципаль районнары белән берлектә үткәрде.

"Һавадан сарайлар төзергә кирәкми"

РФ финанслар министры Антон Силуанов 2013 елга финанс планнары турында

"Программалы" бюджет ведомстволарны "төп" һәм "оптимистик"ка бүлүе, 2013 елга бюджет резервы һәм Хөкүмәтебезнең ниһаять эре дәүләт компанияләрен хосусыйлаштырыга кирәклеге турында "Коммерсант" газетасына биргән әңгәмәсе.

Россия Федерациясе финанс министры Антон Силуанов әйтүенчә, Татарстан Республикасы  күп кенә икътисадый күрсәт­кечләр буенча Идел буе федераль округында һәм тулаем илдә алдынгы тө­бәк булып тора. 2012 ел йомгаклары буенча рес­пуб­лика  финанс, салым һәм казначылык органна­ры­ның уртак коллегия­сен­дә республикабызга әнә шундый югары бәя бирде ул. Татарстан бюджеты ничек үтәлә, финанс органнары нинди авыр­лык­лар алдында калган, киләсе елга бурычлар нинди? Бюджетны төп үтәүче – Татарстан финанс министры Радик Гайзатуллинга әнә шундый сораулар белән мөрәҗәгать иттек. 

("Ватаным Татарстан" газетасында Татарстан финанс министры Радик Гайзатуллин белән әңгәмә)

24 декабрьдә Татарстан Республкиасы финанслар министры урынбасары Алла Анфимова "Яңа гасыр" телеканалындагы "Туры элемтә" тапшыруында җирле бюджетлар турында сөйләде.

Бүген дүртенче чакырылыш ТР Дәүләт Советының бу елдагы соңгы 36 нчы утырышында “Татарстан Республикасының 2012 елга һәм 2013 һәм 2014 елларның планлы чорына бюджеты турында” ТР Законына үзгәрешләр кертү хакында” закон проектын беренче һәм өченче укылышларда кабул итте.

ТР Финанс министры Радик Гайзатуллин хәбәр иткәнчә, бюджет параметрларын ачыклау зарурлыгы агымдагы елдага социаль-икътисади вәзгыятьне бәяләү белән бәйле. Аның нигезендә ТРның социаль-икътисад үсеш күрсәткечләре 2012 елның бюджет проекты кабул ителгәндә алынган саннардан артып киткән. Макроикътисади күрсәткечләрнең уңай динамикасы республика бюджетына керемнәрнең планлаштырылганнан күбрәк керүен тәэмин итә.