Татарстан Республикасы Министрлыклары Татарстан Республикасы Финанс министрлыгы

ЯҢАЛЫКЛАР

февраль, 2013 ел

чәршәмбе

Финанс министрлыгы милли фонд базарында валюта сатып алырга уйлый

Финанслар министрлыгы РФ Үзәк Банкыннан түгел, ә Резерф Фонд һәм Милли байлык Фонды өчен базарда валюта сатып алса, бу министрлыкның акча-кредит сәясәтенә йогынтыны кимәчәк, дигән фикер белдерде, финанслар министры урынбасары Алексей Моисеев.

РФ суверен евробондларын урнаштыруны оештыручыларны сайлап алу буенча гамәлдәге процедураны саклап калырга кирәк

РФ Финанслар министрлыгы РФ суверен евробондларын урнаштыруны оештыручыларны сайлап алу буенча гамәлдәге процедураны саклап калу фикерендә нык тора. Бу турыда журналистларга РФ финанаслар министры урынбасары Сергей Сторчак хәбәр итте.

РФ Хөкүмәте финанс һәм иминият базары үсеше буенча дәүләт программасы проектын хуплый

Россия Федерациясе Хөкүмәте бүгенге утырышта "Финанс һәм иминият базары, Халыкара финанс үзәге үсеше" дәүләт программасын хуплады. Бу турыда журналистларга РФ Финанслар министры Антон Силуанов Министрлар кабинеты утырышы нәтиҗәләре турында сөйләгәндә хәбәр итте. Утырышта чыгыш ясап, ул дәүлт программасы проекты, РФ инвестицион климатны яхшыртуны күздә тоткан 2018 елга хәтле Хөкүмәт эшчәнлегенә туры китереп әзерләнүе турында искәртте.

2013 елга Казан бюджетына үзгәрешләр кертелде

Казан шәһәре икенче чакырылыш Думасының мэр Илсур Метшин рәислегендәге чираттан тыш XX сессиясендә шәһәрнең бюджет мәсьәләсе каралды.

Төгәлрәге, финанс идарәсе җитәкчесе Айрат Гарипов аңлатканча, ТР Хөкүмәте быел Казан каласы бюджетына, XXVII Бөтендөнья җәйге универсиада уздырган вакытта гомумшәһәр чаралары (биредә чыгышлар күздә тотыла, димәк, мәдәният өлкәсенә кагыла) чыгымнарын томалау өчен, 33 млн. 750 мең сум күләмендә субсидия бирә. Бу исә 2013 елга һәм планлы 2014 һәм 2015 елларга кабул ителгән бюджетының быелга кагылышлы өлешенә үзгәрешләр кертүне таләп итә. Шул рәвешле, быелга гомуми керемнәр 33 млн. 750 мең сумга артып, 15 млрд. 646 млн. 119,1 мең сум тәшкил итә, чыгымнар да керемнәр кебек суммада була, нәтиҗәдә, бюджет дефицитсызлыгын саклый.

февраль, 2013 ел

сишәмбе

Рөстәм Миңнеханов:”Экологияне яхшырту өчен җәмгыятьнең бу мәсьәләгә мөнәсәбәтен үзгәртү кирәк”

Бүген Татарстан Президенты Рөстәм Миңнеханов ТР Экология һәм табигый байлыклар министрлыгының йомгаклау коллегиясендә булды.Коллегия эшендә шулай ук Россия Экология һәм табигый байлыклар министры Сергей Донской ,Федераль су ресурслары агентлыгы җитәкчесе Марина Селиверстова катнашты.
ТР Экология һәм табигый байлыклар министрлыгының 2012елдагы йомгаклау эшләре һәм 2013 елга куелган бурычлары турында министрлыкның җитәкчесе Артем Сидоров доклад ясады. Ул искәрткәнчә,2013ел Россиядә Әйләнә- тирә мохитне саклау елы,ә Татарстанда- Экологик культура һәм әйләнә-тирә мохитне саклау елы, дип игълан ителгән.
Артем Сидоров предприятиеләрнең зарарлы калдыкларын киметү чаралары турында хәбәр итте.Сөйләшүләр нәтиҗәсендә “Нэфис косметикс”компаниясе 2013елның 1нче гыйварыннан җитештерүдә зарарлы чимал куллануны туктатырга сүз бирә.
Казан мэры Илсур Метшин Казанда “Яшел рекорд”проекты нәтиҗәсендә яшеллекнең 50мең агачка артуын белдерде.Бу проект быел яз көне дәвам итәчәк диде.

февраль, 2013 ел

дүшәмбе

ТР Финанслар министрлыгы сайты 2012 ел нәтиҗәләре буенча өченче урынны яулады

"Татарстан Республикасының рәсми порталы" Дәүләт мәгълүмат системасындагы сайтлар конкурсы кысаларында 2012 ел нәтиҗәләре буенча "Иң яхшы Татарстан Республикасы башкарма хакимияте органы сайты" исемендә ТР Финанслар министрлыгы сайты өченче урынны яулады.

февраль, 2013 ел

якшәмбе

“Татарстан чаңгы юллары-2013”

10 февральдә “Россия чаңгы юллары-2013” бөтенроссия массакүләм чаңгы ярышлары кысаларында Казан шәһәрендә республиканың иң зур спорт чараларыннан берсе булган “Татарстан чаңгы юллары-2013” республика массакүләм чаңгы ярышларының шәһәр этабы уздырылды.

февраль, 2013 ел

шимбә

Илдар Халиков: “Масса-күләм чаралар уздыруда иң мөһиме – кешеләрнең иминлеге”

Татарстан Республикасы – Идел буеның бөтен территориясендә динамик үсеш кичерә торган субъект һәм биредә куркынычсызлык мәсьәләләренә шактый зур игътибар бирелә. Моның турында бүген Россия Федерациясе Гадәттән тыш хәлләр министрлыгының Татарстан Республикасы буенча баш идарәсенең йомгаклау коллегиясендә Россиянең Гадәттән тыш хәлләр министрлыгы Идел буе региональ үзәге башлыгы генерал-лейтенант Игорь Паньшин белдерде.
Аның сүзләренә караганда, Татарстан күп еллар дәвамында колакка кереп кала һәм алдынгы позицияләрне яулый. “Алда безнең 2013 елгы Универсиада, һәм без бөтен дөньяга Казанның спорт үзәге генә түгел, ә имин шәһәр булуын да исбатларга тиеш. Без халыкның һәм Казан кунакларының тулы иминлеген тәэмин итәргә тиеш”, - дип ассызыклап үтте Игорь Паньшин.
Киңәшмәдә Татарстан Республикасы Премьер-министры Илдар Халиков, Премьер-министр урынбасары Әсгать Сәфәров, ТР Куркынычсызлык советы рәисе Валерий Власов, Россия Гадәттән тыш хәлләр министрлыгының Татарстан Республикасы буенча идарәсе башлыгы Рафис Хәбибуллин һәм башкалар катнаштылар.

февраль, 2013 ел

җомга

Рөстәм Миңнеханов: “Универсиадага кадәр Татарстанның траспорт хезмәткәрләре алдында күп эшләр тора әле”

2013 елда беренчел бурыч булып ,Татарстан транспорт тармагы алдында Казанда Бөтендөнья җәйге Универсиадага әзерлекне тәмамлау һәм аны уздыру тора.Бу хакта бүген ТР Президенты Рөстәм Миңнеханов ТР транспорт һәм юл хуҗалыгы министрлыгы коллегиясенең киңәйтелгән киңәшмәсендә чыгыш ясаганда хәбәр итте.Коллегиядә шулай ук “Росавтодор”Федераль юл агентлыгы җитәкчесе Роман Старовойт катнашты.
2012елда ТРда юл-транспорт комплексы үсеше нәтиҗәләре турында ТР транспорт һәм юл хуҗалыгы министры Ленар Сафин доклад ясады.Аның әйтүенчә,2012елда юл-траспорт комплексын финанслау (Универсиада объектларын исәпләмичә)36,6млрд.сум,шул исәптән республика бюджетыннан-22,4млрд. Һәм федераль бюджеттан-14,2млрд.тәшкил иткән .
Казан мэры Илсур Метшин Татарстан башкаласының транспорт инфраструктурасын киләчәктә яңарту 2018елда футбол буенча дөнья чемпионатына әзерлек кысаларында узачагын сөйләде.Универсиада Дирекциясе директор урынбасары Азат Галиәхмәтов студентлар Уеннарының транспорт концепциясе хакында хәбәр итте.
Федераль юл агентлыгы җитәкчесе Роман Старовойт,үзенең чыгышында, Татарстанның транспорт өлкәсендәге уңышларын әйтеп узды.

А.Силуанов: "РФ нәтиҗәлелексез чыгымнарын инфрастуктурага юнәлтеп була"

Россия Финанслар министрлыгы инфрастуктураны бюджет чаралары белән финанслауны бюджетның нәтиҗәлексез чыгымнары хисабына арттырырга була, дип хәбәр итте финанслар министры Антон Силуанов.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ