ЯҢАЛЫКЛАР

Россиянең финанс агентлыгы (Росфинагентлык) аппараты хезмәткәрләре булып финанс базарында тәҗрибәсе булган кешеләр эшләргә тиеш. Ә агентлык җитәкчесе итеп финанс министрлыгы хезмәткәре булырга мөмкин, дип хәбәр итте журналистларга РФ финанслар министры Антон Силуанов.

Россия Федерациясе Финанс министрлыгы Ерак көнчыгыштагы яңа оешмаларга Өстәмә бәягә салым һәм физик затлар кеременә салымнан башка салымнарга ташламалар кертү турында тәкъдимне җентекләп тикшерергә әзер. Бу турыда финанслар министры Антон Силуанов хәбәр итте, дип тапшыра Интерфакс.

Бүген Татарстан Республикаы финанс министрының беренче урынбасары, Казначылык департаменты директоры Марат Фәйзрахманов казначылык Департаментының территориаль бүлек җитәкчеләре белән киңәшмә уздырды.

Тәтеш муниципаль районы социаль-икътисади үсеш программасын кабул итүгә мохтаҗ, ул ТР җитәкчелеге ярдәме белән районның күпсанлы проблемаларын хәл итәргә мөмкинлек бирер иде. Бу хакта бүген Татарстан Президенты Рөстәм Миңнеханов Тәтеш районының социаль-икътисади үсеше мәсьәләләренә багышланган киңәшмәдә белдерде.

Киңәшмә башланганчы Рөстәм Миңнеханов Тәтештә “Барс” спорт-сәламәтләндерү комплексында булды. Комплекс төзелеше 2004 елдан бирле бара, 129 миллион сум сарыф ителгән, 2012 елның сентябрендә, ниһаять, спорт залы ачылган. Ел ахырына кадәр административ блок төзелеп бетәчәк, ә киләчәктә район җитәкчелеге бассейн төзергә ниятли.

Бүген ТР Дәүләт Советы утырышында депутатлар “2012 елга, 2013 һәм 2014 елларның планлы чорына Татарстан Республикасы бюджеты турында” ТР Законына үзгәрешләр кертү хакында” закон проектын карады.

Әлеге закон проекты 2012 елга Татарстан бюджеты керемнәрен - 10 002 457,5 мең сумга, чыгым өлешен 15 407 705,7 мең сумга арттыруны күз алдында тота. Кытлык 5 405 248,2 мең сумга арта һәм тиешле финанс чыганаклары белән тәэмин ителә.

ТР Финанс министры Радик Гайзатуллин хәбәр иткәнчә, агымдагы елда өстәмә рәвештә 10 002,5 млн. сум күләмендә бюджетара трансфертлар кертү күздә тотыла, алар закон проектында чагылыш таба. Шуның 9 112,1 млн. сумы – федераль бюджеттан, 618,9 млн. сумы – Федераль мәҗбүри медицина иминияте фондыннан, 271,5 млн. сумы - Торак-коммуналь реформалауга ярдәм фонды дәүләт корпорациясеннән.

10 октябрьдә Татарстан Республикасы Дәүләт Советында  бюджет, салым һәм финанслар буенча комитет утырышында депутатлар өч закон проектын тикшерде.

Бүген М.Җәлил исемендәге  татар дәүләт академик опера һәм балет театрында Татарстан Республикасының дәүләт план органнары оешуга 90 ел тулу уңаеннан бәйрәм кичәсе узды. Әлеге чарада Татарстан Республикасы Премьер-министры Илдар Халиков катнашты.

Россия Федерациясе Финанс министрлыгы 2012 елның федераль бюджетына үзгәрешләр нигзегдә 809 млрд. сум күләмендәге кулланмаган калдык чараларны бүлә, диде чәршәмбе көнне финанслар министры Антон Силуанов.

Бүген "Алабуга" икътисад зонасының административ- эш үзәгендә Татарстан Республикасы Президенты Рөстәм Миңнеханов тимер юл инфраструктура үсеше буенча киңәшмә уздырды.

Бүген “Корстон”да 2012 ел уңышын җыеп алуга зур өлеш керткән алдынгы игенчеләрне, кыр батырларын хөрмәтләделәр. Якынлашып килүче авыл хуҗалыгы һәм эшкәртү сәнәгате хезмәткәре көне уңаеннан ТР Президенты Рөстәм Миңнеханов исеменнән кабул итү мәҗлесе үтте. Чара ТР Дәүләт Киңәшчесе Минтимер Шәймиев, Дәүләт Советы рәисе Фәрит Мөхәммәтшин, Премьер-министр Илдар Халиков катнашында узды.