ЯҢАЛЫКЛАР
Депутатларны бюджет проекты белән ТР Финанслар министры Радик Гайзатуллин таныштырды. Ул башта бюджетның керем өлешенә тәэсир ясый торган факторлар турында сөйләп үтте. Әлеге факторларның федераль законнарга кертелгән үзгәрешләр нигезендә килеп чыгуын белдерде.
Көн үзәгенә куелган мәсьәләләр буенча ТР Министрлар Кабинетының төзелеш, транспорт, торак-коммуналь һәм юл хуҗалыгы идарәсе башлыгы Илдар Сибгатуллин һәм ТР Төзелеш, архитектура һәм ТКХ министры Ирек Фәйзуллин хисап тотты.
Киңәшмәнең башында ук Рөстәм Миңнеханов агымдагы елга билгеләнгән төп төзелеш эшләрен төгәлләргә вакыт җиткәнен искәртеп узды. Тулаем алганда, куелган план күрсәткечләре үтәлеп килсә дә, Яшел Үзән һәм Казан буенча төзелешкә акча җыю буенча берникадәр артта калу сизелә, моңа бәйле рәвештә, аларга шушы көннәрдә барлык төзелеш программалары буенча акча күчерү буенча бурычларны үтәргә кушылды. Президент үз чиратында аларның биргән вәгъдәләренә ышанычын белдерде.
Төп финанс документы буенча фикер алышу парламентның барлык комитетларында узачак, 13 октябрьдә киң җәмәгатьчелек катнашында парламент тыңлаулары узачак.
Россия Федерциясе Финанс министрлыгы сайтында 2012 елга һәм 2013, 2014 елдагы план чорына бюджет турында закон проекты урнаштырылган.
http://www.minfin.ru/ru/
Өлкәннәр көнен билгеләп узу уңаеннан, Татарстан Республикасы финанс министрлыгы 30 сентябрь көнне үз ветераннары өчен рәссам Константин Васильевның өй-музеена сәяхәт оештырды.
Россия Федерациясе Финанс министрлыгы "Татнефть" ААҖ һәм "Башнефть" ААҖнә 2012 елның 1 гыйнварыннан файдалы казылмаларны табуга салым буенча компнесация бирү мөмкинлеген белдерде. Бу турыда РФ Финанс министры урынбасары Сергей Шаталов белдерде.
Әлеге ике компания быелның октябрендә тормышка ашырыла башлаучы "60-66" пошлиналар системасы аркасында табыш күләмен югалта. Шуңа күрә, "Татнефть" Ромашкино чыганагында, ә "Башнефть" исә күкерте күп булган чыганакларды файдалы казылмаларны табуга салым буенча ташламаны куллана алачак.
Бүген Кайбыч муниципаль районында Татарстан Республикасы Финанс министрлыгы җитәкчелеге халыкны кабул итүнең бердәм көне кысаларында халыкны кабул итә. Халык сорауларында ТР Финанс министрлыгының кзначылык департаменты директоры урынбасары Әлфия Мингазова җавап бирә.