ЯҢАЛЫКЛАР

Россиянең Финанслар министрлыгы үз бюджетларының керем өлешен формалаштыру буенча авырлыклар кичерүче россиянең төбәкләренә финанс ярдәмен арттыру буенча тәкъдимнәр әзерләгән, дип хәбәр итте Финанслар минситрлыгы җитәкчесе Антон Силуанов 2014-2016 елларга РФ Федераль бюджеты проекты буенча РФ Президентында узган киңәшмәдә.

"Россия Федерациясенең кайбер субъектларының бюджет әзерләве бездә берникадәр тынычсызлык тудыра. Табышка керем кимегән бүгенге шартларда, субъектларның күбесе бюджетны баланслаштыру буенча кыенлыклар кичерә. Шушы сәбәпле без регионнарга финанс ярдәмен арттыру буенча, шулай ук аларның керем базасын формалаштыру буенча тәкъдимнәр әзерләдек", - диде министр. 

Финанс министрлыгы тагын алдыга өч ел консерватив бюджет сәясәте алып барырга ниятли. Бу турыда ведомство башлага Антон Силуанов "Росия чакыра!" форумында хәбәр итте. "Россиядә валюта балансы нык һәм нык бюджет. Бездә минималь кытлык, агымдагы елда да, киләсе өч елда да кытлыксыз бюджет дияргә була.", - диде ул.

Финанслар министрлыгы ел ахырына 2030 елга хәтле озак вакытка бюджет стратегиясен эшләп чыгарачак. Бу турыда бүген ведомство башлыгы Антон Силуанов "Россия чакыра!" инвестиция форумында чыгышы барышында хәбәр итте.

Бүген Мәскәү астындагы Климовскта Россия Федерациясе Премьер-министры Дмитрий Медведев РФ Президенты каршындагы Икътисадны модернизацияләү Советы президиумы утырышын уздырды. Президиум эшендә шулай ук Татарстан Республикасы Президенты Рөстәм Миңнеханов катнашты.

Президиум утырышы темасы - торак-коммуналь хуҗалык өлкәсендә инновацияләр кертү. РФ Хөкүмәте Рәисе әлеге өлкәне инвестицион яктан кызыклы ясарга өндәде, Дмитрий Медведев фикеренчә, бу өлкәдә федерация субъектлары җитәкчелеге төп рольне уйный.

2014 елда Татарстанда авыл хуҗалыгы җитештерүчеләренә техника алуга ярдәм буенча яңартылган программа гамәлгә керә. Баштагы елларда ярдәм күләме ел саен 1 млрд. сумнан артыграк булса, 2014-2016 елларда Татарстан бюджетныда моңа 6 млрд. сум каралган. Республиканың авыл хуҗалыгы техникасы паркы ниндидер өлешен булса да яңарта алырга мөмкинлек булачак дип ышана Хөкүмәт, чөнки иске техниканың күләме 55% тәшкил итә икән.

2013 ел нәтиҗәләре буенча Резерв фондына 100 млрд. сум акча күчереләчәк, дип хәбәр итте финанслар министры Антон Силуанов.

2014 елда тарифларны катыру сәбәпле табигый монополияләрнең инвестпрограммалары күләме иң ким вариантына кадәр кимергә мөмкин, дип хәбәр итте "Прайм" агентлыгына финанс министры Антон Силуанов.

Акча-кредит сәясәтендә инфляция буенча максатчан ориентир үзгәреше чыгымнарны индексацияләүгә кагылмыячак, дип белдерде "Прайм" агентлыгына Антон Силуанов.

"Мәскәү-Казан" югары тизлектәге магистраль салу проектына юнәлдерелгән Милли Байлык Фонды акчалары кире кайтарылмаска мөмкин, шуңа күрә федераль бюджеттан финанслау өчен акчаны арттырырга кирәк булырга мөмкин, дип белдерде Финанс министры Антон Силуанов.  

Россия Федерациясе Финанслар министрлыгы якын арада салымнарны күтәрү кирәклеген күрми, дип хәбәр итте  Сочида узган инвестфорум кысаларында салым салу мәсьәләләре буенча узган "Түгәрәк өстәлдә" ведомство җитәкчесе Антон Силуанов.