ЯҢАЛЫКЛАР

2013 елның 22 октябрендә Татарстан Республикасының Финанслар министры Радик Рәүфович Гайзатуллинда машина төзүче эре предприятиеләр ("Казан вертолет заводы" ААҖ, "КАМАЗ" ААҖ) һәм ТАИФ Компанияләр төркеме белән РФ ТР буенча ФСХИ һәм ТР сәнәгать һәм сәүдә министрлыгы вәкилләре катнашынды киңәшмәләр узды. Әлеге киңәшмәләрдә   2013 елның 9 аенда финанс-хуҗалык эшчәнлеге нәтиҗәләрен күрсәткечләрен  тикшерделәр. 

Бүген Татарстан Республикасы Финанслар министры урынбасары Данил Волков республиканың эре салым түләүчеләр белән киңәшмәләр узды. Әлеге очрашуларда 2013 елның 9 аенда финанс-хуҗалык эшчәнлеге нәтиҗәләренең оператив күрсәткечләре, 2013 ел буенча көтелүче фараз һәм 2014 елга фараз тикшерелде. Киңәшмәләрдә россия Федерациясенең Федераль салым хезмәтенең Татарстан Республикасы буенча идарәсе һәм Татарстан Республикасының Сәнәгать һәм сәүдә Министрлыгы белгечләре дә катнашты.

Россия Федерациясенең Финанслар министрлыгы төбәкләрнең банкротка чыгуы өчен губернаторларның җаваплылылыгын закон нигезендә теркәргә тиеш, дип хәбәр итте Финанслар министры Антон Силуанов 2014-2016 елларга федераль бюджетны ЛДПР фракциясе утырышында тикшерү барышында.

"Губернатор төбәкне банкротка чыгарган икән, кадр мәсьәләсе хәл ителергә тиеш, дигән тәкъдим бар. Әҗәт сәясәтенең җаваплылыгы төп бурысларның берсе, РФ Президенты шундый губернаторга ышану мәсьәләсен куярга тиеш. Әлеге норманы без закон белән теркәп куяр өчен без бюджет законына тәкъдимнәр әзерлибез", - диде Антон әфәнде.

Аның сүзләре буенча ниндидер өстәмә финанс ресурсларны муниципаль дәрәҗәгә төшерергә кирәктер, бәлки. Төбәкләргә федераль үзәктән өстәмә вәкаләтләрне тапшырырга вакыт җитте, дип белдерде РФ вице-премьеры Игорь Шувалов, Мәскәүдә Бөтендөнья икътисади форумы катнашучылары белән очрашуда ясаган чыгышы вакытында.

Россия Федерациясе Финанслар министрлыгы физик затлар өчен милеккә бердәм салым кертүне бер елга - 2015 елга хәтле кичектере тора, дип хәбәр итте журналистларга финанс министры урынбасары Сергей Шаталов.

"Минем уйлавымча, физик затлар өчен без өлгермибез, 2014 елны без инде югалттык", - диде Шаталов.

РФ Хөкүмәте якын арада Дәүләт Думасына Салым Кодексының финанс инструментларына салынучы салымга кагылышлы өлешенә үзгәрешләр пакенын кертәчәк, алар Мәскәүдә халыкара финанс үзәге барлыкка китерүгә юнәлдерелгән. Үзгәрешләр октябрь-наябрьдә кабул ителәчәк дип көтелә, дип хәбәр итте журналистларга РФ финанслар министры урынбасары Сергей Шаталов.

Тулаем алганда, 2014-2016 нчы елларга ТР бюджеты параметрлары депутатлар тарафыннан хупланыла. Бу хакта бүген ТР Дәүләт Советындагы матбугат конференциясендә бюджет, салымнар һәм финанслар буенча комитет рәисе Мурад Гаделшин белдерде.

“Бюджет параметрлары игътибар белән каралды. ТР Дәүләт Советының профильле комитетының нәтиҗәсе формалаштырылды”, - диде парламентарий.

Матбугат конференциясендә катнашкан республиканың финанслар министры Радик Гайзатуллин журналистларга ТР бюджетының хәзерге вакытта тормышка ашырылуы турында сөйләде.

“Үткән елның 9 аенда оешмаларның кеременә салым 41,8 млрд.сум булса, быел ул - 35,5 млрд.сум. Ягъни без 7 млрд.сумнан артык акчаны алып бетермәдек”, - диде ул. 2014 нче елга ТР бюджеты проектында керемгә салымнан килгән акчалар 45 млрд.сум күләмендә булыр, дип планлаштырыла.

АКШ дәүләт кәгазьләренең техник дефолты була калган очракта ул РФ икътисадында берничек тә чагылмыячак, дип хәбәр итте РФ Финанслар министры Пнтон Силуанов. Аның сүзләре буенча, әлеге дефолт РФ финанс системасына турындан-туры йогынты ясамыячак.

Бүген Татарстан Республикасы Президенты Рөстәм Миңнеханов һәм Тюрингия федераль җиренең икътисад, хезмәт һәм технологияләр министры Матиас Махниг «Тюрингия Татарстанны каршы ала» икътисади форумы ачылышында катнашты.

Татарстан һәм Тюрингия бизнес вәкилләрен җыйган эшлекле форум «Pullman Erfurt am Dom» (г.Эрфурт, Германия) кунакханәсендә узды.

Махниг сәламләү сүзендә ике төбәкнең, ике масштаблы икътисади мәйданчыкның бизнесны киңәйтү һәм территорияне үстерү өлкәсендә охшашлыгын билгеләп үтте. Министр Татарстан һәм Тюрингиянең эшлекле даирәләре хезмәттәшлек итә ала торган берничә потенциаль юнәлешләрен санап чыкты: нефть химиясе, авыл хуҗалыгы машиналарын төзү, автокомпонетлар, сәламәтлек саклау, инвестицион эшчәнлек. "Безнең сезнең белән перспектив өлкәләр күп", - дип мөрәҗәгать итте форумда катнашучыларга Махнинг. "Безнең бурыч - потенциалны үстерү, багланышларны ныгыту, сөйләшенгән сүзләрне конкрет проектларга әйләндерү".

РФ бюджеты 2014 елда файдалы казылмалардан лицензияләрне сатудан 40 млрд сум тирәсе акча алачак, дип хәбәр итте Россия финанслар министры урынбасары Татьяна Нестеренко, Дәүләт Думасының бюджет һәм салым комитеты утырышында.