2012 ел азагына кадәр Татарстанда төзелештә өлешләп катнашкан 2847 кеше өчен 32 объект төзү планлаштырыла

2012 елның 14 гыйнвары, шимбә
2012 елда Татарстанда 2,5 миллион квадрат метрга якын торак сафка бастыру күздә тотыла. Бүген ТР төзелеш, архитектура һәм торак-коммуналь хуҗалык министры Ирек Фәйзуллин ТР Президенты Рөстәм Миңнеханов рәислегендә видеоконференция режимында узган республика киңәшмәсендә әнә шундый саннар китерде.

“Бу бик тә җитди сан, - дип ассызыклады Рөстәм Миңнеханов. – Бүгенге көндә коммерция нигезендә торак сафка бастыру төзүчеләр өчен кызыклы, чөнки торакка ихтыяҗ зур. Эшнең барлык формалары да системалы нигездә корылырга тиеш”.

14 гыйнварга 40 мең 604 квадрат метр торак файдалануга тапшырылган, бу планда каралганның 2 процентын тәшкил итә. Ирек Фәйзуллин билгеләп үткәнчә, республика алдында 2012 елга билгеләнгән планны үтәү буенча үтә киеренке бурыч тора.

“Инде бүген үк муниципаль берәмлекләр, заказчы-йорт төзүчеләр, подрядчылар, челтәр компанияләре һәм республика торак төзелеше программасын гамәлгә ашыру процессында катнашучы башка оешмаларның көчен бергә тупларга кирәк”, - диде ул.

Торак йортлар, социаль һәм инженер инфраструктурасы төзелеше өчен төрле дәрәҗәдәге бюджеттан тыш һәм бюджет чыганакларын үз вакытында җәлеп итү агымдагы елда торак сафка бастыру планын үтәргә мөмкинлек бирәчәк.

Торак шартларын яхшырту өчен субсидия белән тәэмин ителмәгән 1 мең 813 ветеранга 1 миллиард 746 миллион сум күләмендә акча кирәк, дип хәбәр итте бүген ТР төзелеш, архитектура һәм торак-коммуналь хуҗалык министры Ирек Фәйзуллин.

2010-2011 елларда Бөек Ватан сугышы ветераннарының торак шартларын яхшырту программасы буенча реестрга барлыгы 16 мең 683 ветеран кертелгән, 14 мең 805 ветеран килешү төзегән, субсидия алган 14 мең 331 ветеран яңа фатирларга күченгән.

“2012 елда әле яңа фатирларга күченмәгән 2 мең 352 ветеран буенча вәзгыять түбәндәгечә: субсидия белән тәэмин ителгән 353 ветеран өчен торак төзелә; субсидия белән тәэмин ителгән 65 ветеран килешү төземәгән; 1 мең 813 ветеран субсидия белән тәэмин ителмәгән; әлегә субсидия белән тәэмин ителмәгән 180 ветеран өчен заем буенча төзелеш башланган”, - дип ачыклык кертте Ирек Фәйзуллин.

Тулаем алганда, 2010 ел белән чагыштырганда ветераннар өчен яңа торак сафка бастыру күләмнәре буенча уңай динамика күзәтелә. 2010 елда яңа төзелешкә гомуми күләмнең – 31, 2011 ел нәтиҗәләре буенча 66 проценты күләмендә федераль субсидияләр юнәлдерелгән.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Халык мөрәҗәгатьләре өчен
Адрес: 420015, Казан шәһәре, Пушкин урамы, 37
Телефон: +7 (843) 264-79-06, 264-37-45
Факс: +7 (843) 264-78-01
E-Mail: minfin@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International