Рөстәм Миңнеханов Казанның тарихи үзәгендә төзелеш мәсьәләләре буенча киңәшмә үткәрде

Татарстан Республикасында 2013 елгы Универсида уза торган спорт объектларына һәм мәйданнарына бара торган урыннарда урнашкан күп фатирлы йорт фасадларын һәм түбәләрен тәртипкә китерәчәкләр. Бүген ТР Хөкүмәт йортында киңәшмәдә сүз шул хакта барды. Киңәшмәне Татарстан Президенты Рөстәм Миңнеханов үткәрде.

Казанның тарихи йөзен булдыру һәм саклау өчен Горький исемендәге әдәби-мемориаль музее, Камал музей-йорты, Е.Баратынский музей-йорты, Апанай мәчете янындагы бина һ.б. кебек объектларны ремонтлау һәм төзекләндерү эшләре ниятләнә.

Киңәшмәдә Ирек Фәйзуллин Казанның тарихи үзәгендә төзелә яңа объектлар турында белдерде, ТР Президенты аларны 2012 елда төзеп бетерү бурычын куйды. Шулай итеп, Федосеевская, Тельман, Мәрҗәни, Некрасов һ.б. урамнарда өлешләп төзелә торган объектлар турында мәгълүмат белдерде. Кайбер объектлар рөхсәт документларыннан башка төзелә башлаган һәм проблемалы булып санала. ТР төзелеш, архитектура һәм торак-коммуналь хуҗалык министры сүзләренә караганда, башкала үзәгендә төзелеш кагыйдәләрен бозуның төп сәбәбе әзер документлар булмауда.
Казан мэры Илсур Метшин мәдәни мирас объектларын тәртипкә китерү, Казанның тарихи үзәгендә төзелеш мәсьәләләре буенча кабул ителгән карарлар турында белдерде. Ул, аерым алганда, милекчеләр белән 2013 елның язына биналарның фасадлары тәртипкә китерү хакында килешүләр төзелү турында белдерде. Тарихи-мәдәни мирас объектларына килгәндә, 2011 елда 12 объект сатылган. ТР урман хуҗалыгы министры Наил Мәгъдиев агачтан төзелгән объектларны торгызу буенча әзерлек эшләре турында белдерде. Искәртеп үтәбез, К.Насыйри, Г.Тукай, Парижская коммуна, Гладилов, Нариман урамнарындагы агач йортлар торгызылачак.

Казанның баш архитекторы Татьяна Прокофьева төзелешне дәвам итү өчен проектларга үзгәреш кертергә тәкъдим ителгән объектларны тәкъдим итте.

Татарстан Президенты Рөстәм Миңнеханов әлеге объектларны Казанның тарихи үзәген карау маршрутына кертүне сорады, бу урында ук карар кабул итү өчен кирәк. Искәртеп үтәбез, ТР Президенты Казан үзәгендә төзелергә һәм төзекләндерелергә тиешле объектларны 5 февральдә карарга ниятли.