Хөкүмәт киләсе көннәрдә нефть тармагындагы салым маневрын төзәтүне тикшерәчәк
РФ Хөкүмәте якын арада нефть тармагындагы салым маневрын төзәтү зарурлыгын тикшерәчәк, нефть продуктларына бәяләр белән кулдан идарә итүдән баш тартырга тырышачак. Бу хакта вице-премьер Дмитрий Козак хәбәр итте.
“Киләсе көннәрдә без тагын бер тапкыр нефть тармагындагы салым маневры, вак күмәртәләп сатуда һәм ваклап сатуда бәяләр дәрәҗәсен тотып торырга тиеш булган һәм салып калдырылган механизмнарның ничек эшләвен тикшерәчәкбез. Һәм әгәр дә аз гына төзәтмәләр кертү әһәмияте булса, барысын да эшләрбез. Сүз иң мөһим үзгәрешләр турында бармый, нефтяникларның тиешле тәкъдимнәре бар. Әгәр объектив әһәмият булмаса, ничек бар, шулай калдырачакбыз”, - диде ул.
Нефть компанияләре белән ягулыкка бәяләрне тотрыклыландыру турында килешү озайтылачакмы дигән сорауга Козак: “Әлеге бәяләр белән кулдан идарә итүдән килешүләр төзү аша баш тартырга тырышачакбыз”, - диде. Гамәлдәге килешүнең срогы 31 мартта чыга.