РФ Финанс министрлыгы бәяләвенчә салым түләү буенча кичектерү аркасында бюджетның югалтулары ким дигәндә 200 млрд сум булачак

Салым түләү буенча өч айлык кичектерү РФ бюджетына ким дигәндә 200 млрд сумга төшәчәк, дип белдерде Финанс министрлыгы башлыгының беренче урынбасары Татьяна Нестеренко.

"Финанс системасына килгәндә. Бүген, мөгаен, коронавирус инфекциясе таралу нәтиҗәләрен җиңеп чыгу буенча Россия Федерациясе Хөкүмәтенең беренче чираттагы чаралары планы басылып чыгар. Анда икътисадка ярдәм күзлегеннән дә гамәлләр күп. Гамәлләрнең бер юнәлеше - өч айлык салым кичектерүләрен бирү. Микрофинанс оешмалары буенча гына да кичектерү ким дигәндә хәзергә якынча 200 млрд сумга төшәчәк", - диде Нестеренко Федераль казначылыкның киңәйтелгән коллегиясендә.

Нестеренко Казначылыкны казначылык кредитларын бирүне киңәйтү һәм тизләтү буенча барлык алгоритмнарны эшкә җигәргә һәм РФ субъектлары белән даими элемтәдә булырга өндәде.

"Шуны аңларга кирәк, бу чорда, салымнар түләү буенча кичектерүләр бирелгәндә, бюджетларның ликвидлыгын казначылык салым кредитлары белән булса да хуплап торырга кирәк булачак. Төгәл аңларга тиешбез: субъектлар, территориаль органнар финанс органнар белән төгәл хезмәттәшлек итәргә, бастырып чыгарылачак карарларны исәпкә алып, керем фаразларын ясарга тиеш: күпме кичектерү булачак, бу төшеп калган керемнәр чорында күләмнәре нинди булачак", - диде Нестеренко.