S&P РФ рейтингын "тотрыклы" фараз белән ВВВ- дәрәҗәсендә раслады

S&P Халыкара рейтинг агентлыгы РФ рейтингын "тотрыклы" фараз белән чит ил валютасында йөкләмәләр буенча "ВВ-/А-3" дәрәҗәсендә раслады, диелә агентлык матбугат хезмәте хәбәрендә.

"S&P Global Ratings Россия Федерациясенең суверен кредит рейтингларын раслады: чит ил валютасында йөкләмәләр буенча озак сроклы һәм кыска сроклы рейтинглар – "ВВ-/А-3" дәрәҗәсендә һәм илкүләм валютада йөкләмәләр буенча озак сроклы һәм кыска вакытлы рейтинглар – "ВВ/А-2" дәрәҗәсендә. Рейтинглар буенча фараз - "тотрыклы", - диелә хәбәрдә.

Агентлыкта билгеләп үтелгәнчә, элегрәк ОПЕК+ илләренең нефть табуны тәүлегенә 1,5 млн баррельгә кыскарту буенча уңышсыз сөйләшүләреннән соң нефтькә бәяләр фаразлары киметелгән - дөнья ихтыяҗының көтелгән кимүенә җавап итеп "өлешчә коронавирус пандемиясе таралу сәбәпле". Шул ук вакытта аналитиклар 2020 елның икенче яртыеллыгында һәм 2021 елда нефтькә ихтыяҗ торгызылуын исәпли.

S&Р фикеренчә, үлчәнгән макроикътисадый сәясәт, шул исәптән сыгылмалы алмашу курсы һәм консерватив бюджет кагыйдәсе, шулай ук дәүләт әҗәтенең түбән дәрәҗәсе ил икътисадына тышкы шартларга җайлашырга мөмкинлек бирергә тиеш.