Үзәк банкта Россия финанс системасының торышын бәяләделәр

Финанс системасы һәм Россия банклары агымдагы вәзгыятькә яхшы хәлдә килделәр, аларның аны тыныч узарга мөмкинлеге бар, дип белдерде Россия Банкы башлыгы Эльвира Нәбиуллина җомга көнне матбугат конференциясендә.

"Тулаем алганда, финанс системасы һәм банклар бу чорга шактый яхшы халәттә килделәр – реаль тупланган капитал белән дә, ликвидлык белән дә. Шуңа күрә аларның бу чорны тыныч узарга мөмкинлекләре бар, әлбәттә, безнең регулятор йомшарту, һәм, кирәк икән, ликвидлык бирү буенча чараларны исәпкә алып ", - диде Нәбиуллина.

Ул шулай ук билгеләп үткәнчә, Россия Банкы вәзгыять даими үзгәреп торуга бәйле рәвештә, өстәмә регулятор йомшарулар кабул итәргә әзер.