I кварталда илкүләм проектларга бюджет чыгымнарын үтәү 15,69% тәшкил иткән

2020 елның беренче өч аенда илкүләм проектларны һәм Магистраль инфраструктураны модернизацияләү һәм киңәйтү буенча комплекслы планны гамәлгә ашыруга РФ федераль  бюджеты чыгымнары 15,69%ка үтәлде, бу 357,434 млрд сум тәшкил итә. Бу хакта Хисап палатасының оператив мәгълүматлары җиткерә.

Беренчел мәгълүматлар буенча, 1 апрельгә өч илкүләм проект буенча чыгымнарның үтәлеше 20% тан арткан. Беренче ике ай нәтиҗәләре буенча кебек үк "Сәламәтлек саклау" илкүләм проекты алдынгы булып калган - бу юнәлеш буенча чыгымнар җыелма бюджет язуында билгеләнгән бюджет ассигнованиеләренә 40,52 процентка үтәлгән. Аның артыннан "Торак һәм шәһәр мохите" (32,73%) һәм "Мәдәният" (20,81%) бара.

Иң түбән күрсәткечләр "Имин һәм сыйфатлы автомобиль юллары" (бер елга билгеләнгән күләмнең 1,74%), "Цифралы икътисад" (4,07%), "Халыкара кооперация һәм экспорт" (5,45%), "Экология" (5,87%), Магистраль инфраструктураны модернизацияләү һәм киңәйтү буенча комплекслы план (6,39%) һәм "Мәгариф" илкүләм проекты буенча (8,03%) күрсәтелгән.

"Демография" илкүләм проекты буенча чыгымнар 16%, "Кече һәм урта эшмәкәрлек һәм шәхси эшмәкәрлек инициативасына ярдәм" - 14,16%, "Хезмәт җитештерүчәнлеге һәм мәшгульлеккә ярдәм" - 17,38%, "Фән" - 10,5% тәшкил иткән.

Шул ук вакытта, әгәр элегрәк бөтен елга барлык илкүләм проектларга бюджет язмасы белән билгеләнгән ассигнованиеләр 1,998 трлн сум күләмендә теркәлгән булса, хәзер, март нәтиҗәләре буенча, бюджет ассигнованиеләре елына 2,23 трлн сум күләмендә билгеләнгән. Бу 2019 елда илкүләм проектларга бүлеп бирелгән акчаларның март аенда 2020 елга бюджет язмасына күчерелүе һәм кертелүе белән бәйле, дип аңлаттылар Хисап палатасында.

Россия Премьер-министры Михаил Мишустин элегрәк берничә тапкыр Хөкүмәт игътибарын илкүләм проектлар буенча акчаларны үз вакытында бүлү зарурлыгына юнәлтте. Шулай ук Хөкүмәткә узган елда тотылмаган акчаларның калган өлешен агымдагы елга күчерергә һәм 2020 елда бюджетны үз вакытында үзләштерергә кушылды.