Urals нефтенең уртача бәясе апрельдә 4 тапкырга диярлек кимеде

2020 елның апрелендә Urals нефтенең баррель өчен уртача бәясе $18,22 күләмендә формалашкан, бу 2019 елның апрелендә ул баррель өчен $71,54 тәшкил иткән вакытка караганда 3,9 тапкырга түбәнрәк. Бу хакта Россия Финанс министрлыгы сайтында урнаштырылган материалларда әйтелә. Билгеләп үтелгәнчә, Urals маркалы нефтькә уртача бәя гыйнварда - 2020 елның апрелендә баррель өчен 41,04 доллар күләмендә формалашкан, 2019 елның гыйнварында - баррель өчен ул 65,18 доллар тәшкил иткән. Элегрәк Финанс министрлыгы хәбәр иткәнчә, мониторинг чорында Urals нефтенә уртача бәя 2020 елның 15 мартыннан 14 апреленә кадәр баррель өчен $19 тәшкил иткән.