“СМАРТ Сити Казань” проекты ТР башкаласы үсеше өчен драйвер булып тора - Татарстан Президенты

Бүген Татарстан Президенты Рөстәм Миңнеханов “СМАРТ Сити Казань” проектын гамәлгә кую мәсьәләләре буенча киңәшмә үткәрде. Киңәшмә ТР Хөкүмәте һәм республиканың эре компанияләре җитәкчеләре катнашында узды.

Рөстәм Миңнеханов киңәшмәне ачып, “СМАРТ Сити Казань” проекты Казанның халыкара мегаполис буларак, киләчәк үсешендә стратегик роль уйный. “Проект безнең башкала үсешендә драйвер булып тора, - диде ул. – Бу үсешнең җәлеп итүчән һәм перспективалы нокталарының берсе”.

“СМАРТ Сити Казань” планын Малайзиянең AJM Planning & Urban Design Group, Straits Consulting Engineers компанияләре белән “Татинвестгражданпроект” ДУП белән бергә гамәлгә куела.

Рөстәм Миңнеханов фикеренә караганда, бу компанияләр “акыллы” шәһәрләр төзүдә зур тәҗрибәгә ия. ТР Президенты күптән түгел Малайзиягә сәфәрендә “СМАРТ Сити Казань” проекты аналогы – “Медини Искандар Малайзия”дә булды, аны AJM Planning & Urban Design Group компаниясе эшләгән.

Киңәшмәдә ТР Президенты “СМАРТ Сити Казань” проектын гамәлгә кую киләчәктә Казанны үстерү планын исәпкә алып эшләнергә тиеш. “Иннополис”, “СМАРТ Сити Казань” проектларын, Яшел Үзән районы янындагы территорияләрне үстерү, алар бердәм “Зур Казан” концепциясен төзеп, бер-берсе белән интеграция булган очракта гына уңышлы булачак,- диде ул. – Без хәзер үк Казанны эре шәһәр буларак үстерү нигезләрен дөрес салырга тиеш”.

ТР Инвестицион үсеш агентлыгы җитәкчесе Линар Якупов үз докладында проектның яңартылган концепциясе һәм аның үсешенең агымдагы стадиясе хакында белдерде. “СМАРТ Сити Казан”ның гомуми мәйданы 650 гектар тәшкил итә. Проект территориясе халыкара аэропорттан 3 км һәм Казан үзәгеннән 15 км ераклыкта. “Акыллы” шәһәрдә иҗтимагый-эшлекле үзәк, фәнни-мәгариф үзәге, махсус икътисади зона, шулай ук туристлык зонасы урнашачак. “СМАРТ Сити Казань” да яшәүчеләр саны 56 мең кеше тәшкил итәр дип планлаштырыла.

Очрашуда шулай ук инженер һәм транспорт инфраструктурасы төзелеше мәсьәләләре буенча фикерләштеләр.