Бюджет өлкәсендә эшләүчеләргә хезмәт хакын арттыру өчен чыганаклар турында

Республика Президенты Минтимер Шәймиев рәислегендә Кремльдә Татарстан Республикасы муниципаль район һәм шәһәр округлары җитәкчеләренең Совет утырышы узды.

ТР финанс министры Радик Гайзатуллин бюджет өлкәсендә эшләүчеләргә хезмәт хакын арттыру өчен чыганаклар табу темасына чыгыш ясады.

Биредә социаль өлкә тармакларын оптимальләштерү һәм бюджет өлкәсендә эшләүчеләргә хезмәт хакын арттыру өчен чараларны мобилизацияләү мәсьәләләре тикшерелде. 
ТР Президенты М.Шәймиев әйтеп узганча, әлеге ике мәсьәлә бер-берсенә бәйле һәм аларны чишү өчен күп вакыт кирәк. "Әлеге мәсьәләләр турында уйлау һәм аларны чишү өчен вакыт җитәрлек иде, чөнки Хакимият барыбызны инде күптән бу сорауларның чишелешен тормышка ашыру программаы белән таныштырды. Без аларны бик күп тапкыр тикшердек. Бу чаралар тормыш сыйфатын үстерүгә юнәлгән - хезмәт хакын арттыру юлы белән геә түгел,  ә мәгариф системасын, сәламәтлек һәм башка өлкәләрдә хезмәт күрсәтүнең сыйфаты күпкә яхшырырга тиеш," - диде республика җитәкчесе.

Социаль өлкәдә оптимизацияләштерүнең аерым мәсьәләләре буенча РТ икътисад министры урынбасары, ТР министрлар Кабинеты каршындагы Икътисадый һәм социаль тикшеренүләр үзәге җитәкчесе Алевтина Кудрявцева чыгыш ясады.

 ТР сәлмәтлек саклау министры Айрат Фәррәхов сәламәтлек саклау  өлкәсендә оптимальләштерү һәм хезмәт хакын тармак системасы буенча түләүгә күчү турында сөйләде. Буа муниципаль берәмлек башлыгы Рафаэль Әбүзәров утырышты катнашучыларга бу өлкәдә Буа казанышлары турында сөйләде.

Утырышта ТР Премьер-министрв Рөстәм Миңнеханов, ТР Дәүләт Советы рәисе урынбасары Римма Ратникова, ТР Дәүләт Советы комитет рәисләре, республиканың министрлык һәм ведомство җитәкчеләре катнашты.