Финанс министры урынбасары Алексей Лавров «Госзаказ: яңа чынбарлык» бөтенроссия онлайн-конференциясендә катнашты

Конференция кысаларындагы чыгышында министр урынбасары дәүләт һәм муниципаль ихтыяҗлар өчен сатып алуларны оптимальләштерү турындагы закон проектының төп яңалыклары турында сөйләде. Төп чараларның берсе - сатып алулар ысулларын 11 дән 3 кә кадәр кыскарту, аларны тасвирлауны гадиләштерү һәм унификацияләү. "44-ФЗ кануны укыла торган, аңлаешлы һәм компактлы була бара. Бер үк вакытта Хөкүмәтнең теге яки бу мәсьәләләрне җайга салу өчен кирәкле закон асты актлары саны кими, - диде Алексей Лавров.

Алексей Лавров үз чыгышында универсаль квалификация кертү, каралган процедураларны гадиләштерү һәм тизләтү, банк гарантияләрен һәм махсус счетларны куллану кебек мөһим яңалыкларга җентекләп тукталды. Закон проектының милли проектларга йогынтысы турында сөйләгәндә, Алексей Лавров болай дип билгеләп үтте: «Закон проекты милли проектларны гамәлгә ашыруга уңай йогынты ясарга тиеш. Милли проектларга чыгымнар составында товарларны, эшләрне, хезмәт күрсәтүләрне сатып алу шактый зур өлешне тәшкил итә. Инде гамәлгә ашырылган чараларга да карамастан, сатып алуларга бүлеп бирелгән акчалар заказчылар өчен акрын яисә проблемалар белән файдаланыла.” Шул ук вакытта, аның фикеренчә, закон проекты милли проектларга гына түгел, сатып алуларның бөтен өлкәсенә дә уңай йогынты ясарга тиеш.

Финанс министры урынбасары, алга таба Финанс министрлыгы 44-ФЗ канунына үзгәрешләр кертү турында тагын бер закон проектын әзерләргә планлаштыра, дип өстәде. "Эш туктамый, әмма, аерым алганда, әлеге закон проектында хәл итә алмаган, нормалаштыруга кагылышлы мәсьәләләрне хәл итә торган, мондый масштаблы ук булмаган тагын бер закон проекты булачак, ,", - дип сөйләде Алексей Лавров.