Илдар Халиков РФ Дәүләт Думасында “Роснано” ААҖ эшчәнлеге нәтиҗәләре буенча “түгәрәк өстәл” утырышында катнашты

Бүген Татарстан Республикасы Премьер-министры Илдар Халиков РФ Дәүләт Думасында (Мәскәү) “Роснано” ААҖ эшчәнлеге нәтиҗәләре буенча “түгәрәк өстәл” утырышында катнашты.

“Роснано” башлыгы Анатолий Чубайс хәбәр иткәнчә, Россиядә наноиндустрия үсеше кысаларында булдырылган нанотехнология үзәкләре 2013 ел ахырына үзләренең 200дән артык стартап-компанияләрен финанслыйлар.

Нанотехнология үзәкләрен булдыруның төп максаты – фәнни тикшеренүләр нәтиҗәләрен коммерциаләштерү институтларын үстерү.

Россиядә бүгенге көнгә 12 нанотехнология үзәкләре – Мәскәү, Зеленоград, Дубна, Троицк, Казан, Новосибирск, Томск, Ульяновск, Саранск, Санкт-Петербург, Ставрополье,Екатеринбург шәһәрләрендә булдырылган.

Татарстан Премьер-министры Илдар Халиков “түгәрәк өстәл” барышында, республикада нанотехнология тармаклары үсеше һәм наноэшләнмәләрне гамәлгә кертү өчен нәрсәләр эшләнүе хакында сөйләде. Аерым алганда ул, наноиндустрия өлкәсендә эшләүче предприятиеләр өчен кадрлар әзерләү һәм белгечләрне укыту системасы турында белдерде.

Белешмә өчен:
Искә төшерәбез, нанотехнология үзәге Казанда 2012 елның ноябрендә ачыла. Проектның гомуми бюджеты, 1,8 млрд.сум күләмендә РОСНАНО финанславын да исәпкә алып, 3,8 млрд. сум тәшкил итә.