Отельерлар һәм логистика предприятиеләре өчен ташламалы инвестиция кредитлары турында

Икътисади үсеш министрлыгы, Россия Банкы һәм кече һәм урта эшкуарлык корпорациясе (программаның операторы булып тора) уртак инвестиция кредитлары программасының беренче ике айда гамәлдә булу чорында, 9,8 миллиард сумлык ташламалы кредитлар кунакханә бизнесы, логистика һәм саклау өлкәләрендәге 85 проект алды, дип хәбәр итә корпорациянең матбугат хезмәте.
Кече һәм урта эшкуарлык корпорациясе мәгълүматларына караганда, 31 октябрьгә 2,3 миллиард сумнан артык күләмдә ташламалы инвестиция кредитлары кунакханә өлкәсендә 26 проектны җәлеп иткән. Әлеге тармакта җәлеп ителгән акчалар күләме буенча алдынгылар – Владимир, Новосибирск, Омск, Архангельск һәм Сахалин өлкәләре.
Транспорт һәм саклау өлкәсендә 7,5 миллиард сумлык ташламалы кредитлар 32 төбәктән 59 кече һәм урта компания алган. Финанслау күләмнәре буенча алдынгылар рәтендә Санкт-Петербург, Әстерхан өлкәсе, Мәскәү, Удмурт Республикасы һәм Оренбург өлкәсе.
Әлеге ташламалы программа 25 августта эшли башлады. Анда җитештерү предприятиеләре, шулай ук транспорт һәм саклау өлкәсеннән, кунакханә бизнесынан компанияләр катнаша ала. Эшмәкәрләр 50 миллион сумнан артык күләмдә кредитны Кече һәм урта эшкуарлык корпорациясе сайтында басылган 48 банкта ала ала. Ташламалы ставкалар биш ел дәвамында гамәлдә, кредитны үзе 10 ел эчендә түләргә мөмкин. 2022 елга программаның гомуми күләме - 50 миллиард сум.