Илдар Халиков “Татспиртпром” ААҖ Директорлар советы утырышын уздырды

Бүген ТР Хөкүмәт Йортында Татарстан Премьер-министры Илдар Халиков рәислегендә “Татспиртпром”ААҖ Директорлар советының чираттагы киңәшмәсе узды. Төп мәсьәлә – Директорлар советы рәисен сайлау, “Татспиртпром” ААҖ нең 2013 нче елның I яртыеллыгында финанс-хуҗалык эшчәнлеге нәтиҗәләре һәм инвестицион проектларны гамәлгә ашыруның барышы турында.

“Татспиртпром” ААҖ Директорлар советы рәисе итеп Илдар Халиков сайланды.

Директорлар советы финанс директоры Әлфия Каюмованың 2013 нче елның I яртыеллыгында компаниянең финанс-хуҗалык эшчәнлеге нәтиҗәләре турында докладын тыңлады.

Бу чорда, үткән ел белән чагыштырганда, алкоголь продукциясе производствосы күләме 37% ка арткан һәм 4 147 мең декалитр тәшкил иткән. Производство планы 108 % ка үтәлгән.

2013 нче елның I яртыеллыгында “Татспиртпром” ААҖ алкоголь продукциясен сату күләме 3 920 мең декалитр тәшкил иткән, бу үткән ел дәрәҗсеннән 37 % ка күбрәк.

Үкән елның әлеге чоры белән чагыштырганада, РФ төбәкләренә алкоголь продукциясен сату 2,6 тапкыр арткан һәм 2 445 мең декалитр тәшкил иткән.

“Татспиртпром” ААҖ спирт заводлары 2013 нче елның I яртыеллыгында 1 176 мең декалитр спирт җитештергән, бу үткән ел дәрәҗәсенә 101% тәшкил иткән.

2013 елның I яртыеллыгында сәнәгать производствосы индексы 131% булган.
2013 нче елның I яртыеллыгында продукциядән, эшләрдән, хезмәтләрдән алынган керем 46 % ка арткан һәм 2 933 млн. сум тәшкил иткән.

2013 нче елның I яртыеллыгында “Татспиртпром” ААҖ барлык дәрәҗә бюджетларга 7 216 млн. сум салым һәм җыем күчергән.

2013 елның I яртыеллыгында ТРның консолидацияләнгән бюджетына 2 532 млн. сум акча кергән.
2013 нче елның I яртыеллыгында чиста табыш 207 млн. сум булган.

“Татспиртпром” ААҖ генераль директоры Георгий Куприянов утырышта инвестицион проектларны тормышка ашыру барышы турында доклад белән чыгыш ясады.

Директорлар советы “Татспиртпром” ААҖнең “Усад спирт заводы” филиалы төзелешен тизләтергә карар кабул итте. Заводны эшләтеп җибәрү 2014 нче елның I кварталына планлаштырылган.

Утырыш нәтиҗәләре буенча, Директорлар советы хисап чорында җәмгыятьнең финанс-хуҗалык эшчәнлегенә уңай бәя бирде.