Үзмәшгульләр өчен салым ташламалары турында
Россия Икътисади үсеш министрлыгы үзмәшгульләр өчен салым ташламаларын озайтуны хуплады.
"Икътисади үсеш министрлыгы үз-үзенә эшләүче гражданнар өчен махсус режимның гамәлдә булуын 2028 елдан соң да озайтуны хуплый", - дип хәбәр иттеләр Икътисади үсеш министрлыгында. Үз-үзенә эшләүчеләр өчен махсус режим һөнәри керемгә салым түләүне күздә тота, аны 2019 елда 10 елга керттеләр. Физик затларның ташламалы ставка буенча эшчәнлегенә салымнар күләме 4% тәшкил итә, ә индивидуаль эшкуарлар эшчәнлегенә – 6%.
Россия Финанс министрлыгы мәгълүматлары буенча, үзмәшгульләр өчен махсус салым шартлары һәм уңайлы инфраструктура күбрәк гражданнар үз эшчәнлекләрен легальләштерергә теләсеннәр өчен булдырылган. Экспериментта катнашучылар аны уздыру чорында 1,9 трлн сумнан артык керемне теркәгән.
Федераль салым хезмәте мәгълүматлары буенча, Россиядә үз-үзләренә эшләүчеләр саны көннән-көн 7,5 мең кешегә арта. Махсус режимны 10 елга озайту турындагы закон проекты үзмәшгульлек кеременең иң чик күләмен икеләтә, 4,8 млн сумга кадәр арттыруны күздә тота. Билгеләп үтелгәнчә, хәзер һөнәри керемгә салымга елына керемнәре 2,4 млн сумнан да артмаган кешеләр хокуклы.
Проект беренче укылышта язгы сессиядә үк каралырга мөмкин.