Тотрыклы үсеш проектларына дәүләт гарантияләре программасын киңәйтәчәкләр һәм озайтачаклар

Үзебезнең ил предприятиеләренә дәүләт гарантияләре программасы, шул исәптән тотрыклы үсеш проектларына, озайтылачак, ә аны гамәлгә ашыруга акчалар күләме – өчтән бергә арттырылачак. Бу хакта Россия премьер-министры Михаил Мишустин үзенең урынбасарлары белән оператив киңәшмәдә хәбәр итте.

"Хөкүмәт киләчәктә дә илебез предприятиеләренә һәрьяклап ярдәм итәчәк. Беренче чиратта – җитештерү эшчәнлеген ныгытуны да кертеп, тотрыклы үсеш проектларын гамәлгә ашыруга", - дип ышандырды ул.

Министрлар Кабинеты башлыгы искә төшергәнчә, РФ президенты Владимир Путин сәнәгатькә ярдәм итүнең нәтиҗәле инструментларын кирәкле финанс ресурслар күләме белән тәэмин итүне йөкләде. "Моның өчен дәүләт гарантияләрен бирү тәртибен озайтырбыз. Агымдагы елга бюджетта мондый максатларга акчалар күләме өчтән бер өлешкә – 300 млрд сумга кадәр арттырылды", - дип хәбәр итте премьер.

Ул предприятиеләрнең кредитлар һәм облигацияләр чыгару буенча 100% ка кадәр йөкләмәләрен тәэмин итә алачагын күрсәтте. РФ хакимияте бу төрле тармакларда капитал салуның җәлеп итүчәнлеген арттырачак, дип өметләнә.