Россия Финанс министрлыгы салым түләү мәсьәләсен аңлатты

Салым законнары нормалары нигезендә салым түләү бурычы, шул исәптән бердәм салым түләү сыйфатында акчалар бюджетка күчерелгән көннән башлап яисә тиешле датага бердәм салым исәбендә исәпкә алынган өлештә (аңа карата мондый суммаларның булуы билгеләнергә мөмкин) аларның бердәм салым түләве буларак танылганнан соң, башкарылган (өлешчә башкарылган) дип санала (Салым кодексының 45 нче маддәсе 7 пункты 1 пунктчасы).

Недоимка барлыкка килгәндә (законнарда билгеләнгән срокта түләнмәгән салым суммасы) салымнар түләү буенча тулаем бурычны үтәгән көнгә кадәр (шул көнне кертеп) һәр календарь көне өчен пеня исәпләнә (РФ Салым кодексы 75 маддә 3 п.). Гомуми бурыч артканда, недоимка суммасына пенялар исәпләү мондый арттыруны исәпкә алу датасыннан бердәм салым счетында чагылачак (РФ Салым кодексы 75 маддә 6 п.).

Шул ук вакытта, Россия Финанс министрлыгы әгәр салым түләүченең түләү срогы туры килә торган көннән хокук бозу өчен җаваплылыкка тарту турында карар чыгарылган көнгә кадәр салым счетының тулы яки өлешчә түләү өчен җитәрлек күләмдә уңай сальдосы булса, салым түләмәү яки тулы түләмәү хокук бозу дип саналмаячагын искә төшерә (Россия Финанс министрлыгының Салым сәясәте департаментының 2023 елның 27 мартындагы 03-02-07/26504 номерлы хаты). Бу очракта салым түләүче бердәм салым счетының уңай сальдосына туры килә торган өлешендә җаваплылыктан азат ителәчәк.