Татарстан Президенты: "Малайзия белән мөнәсәсбәтләребезне югары бәялибез"

Россиядә Малайзиянең Гадәттән тыш һәм Тулы вәкаләтле илчесе Зәйнел Абидин Омар җитәкчелегендәге Малайзия делегациясе белән бүген Татарстан Президенты Рөстәм Миңнеханов Kazansummit'13 форумы кысаларында очрашты.

ТР Президенты Малайзиянең Азия Көньяк-Көнчыгышы илләле арасындагы иң динамикалы рәвештә үсеп баручы ил икәнен билгеләп үтте. "Без Россия-Малайзия багланышлары кысаларында Малайзия белән безнең республика арасында урнашкан мөнәсәбәтләрне югары бәялибез," - дип әйтте Р.Миңнеханов.

Ул Малайзия җитәкчелегенә 2013 елның январендә Татарстан Президенты җитәкчелегендә ТР делегациясе визиты барышында Татарстанга карата күрсәткән игътибарлары өчен рәхмәт белдерде. Рөстәм Миңнеханов ил җитәкчелеген берничә эре проектны гамәлгә ашырулары белән котлады, шулар арасында "Иксәндәр" МИЗ проектын оештыру белән дә.

Татарстан Президенты республикадагы иң эре проектларның берсе - "Смарт Сити Казан" - Малайзия партнерлары белән берлектә гамәлгә ашырылганын искә төшерде.

Зәйнел Абидин Омар Рөстәм Миңнехановка очрашкан һәм Малайзия белән хезмәттәшлеккә шәхсән үзе игътибар иткәне өчен рәхмәт белдерде. "Без сезнең республикада бик зур потенциал күрәбез" - дип мөрәҗәгать итте ул Татарстан Президентына. - "Смарт Сити" - Малайзия белән Татарстан арасындагы хезмәттәшлекнең башы гына әле ул, сез Малайзия компанияләренә Татарстанга ишек ачтыгыз".

Илче Рөстәм Миңнехановның 2013 ел январендәге визиты нәтиҗәләре буенча башкарылган эшләр турында хәбәр итте. ТР Мәгариф һәм фән министрлыгы Малайзия хезмәттәшләре белән бергә Малайзия студентлары Казанда белем ала алсын өчен Казан медицина университетын тиешле стандартлар буенча аккредитацияләүне мәсьәләсен хәл итәләр. "КАМАЗ"ның Малайзия компанияләре белән хезмәттәшлек итүе турындагы килешү әзерләнә, Казан вертолет заводының Малайзия һәм Көнчыгыш Азиядә бизнесны үстерү планнары бар.

Очрашуда катнашучылар сөйләгәнчә, Kazansummit форумына 31 Малайзия компаниясе вәкилләре килгән, алар инфраструктура, логистика, мәгариф, консалтинг өлкәсендә эшлиләр. Форумда Малайзия компанияләре иртәгә тәкъдир ителәчәкләр.

Очрашу ахырында Рөстәм Миңнеханов Kazansummit'13 форумы Малайзия делегациясе вәкилләре өчен уңай тәмамланыр дигән өметен белдерде. "Безнең һәр очрашуыбыз - безнең мөнәсәбәтләрне ныгытуга тагын бер адым ул", - дип ассызыклады Татарстан Президенты.