Физик культура һәм спорт өлкәсе хезмәткәрләренә бер мәртәбә бирелә торган компенсация түләүләре турында

Россия Федерациясенең “Физик культураны һәм спортны үстерү” дәүләт программасы кысаларында “Физик культураны һәм массакүләм спортны үстерү” федераль проекты нәтиҗәләренә ирешү максатларында, шулай ук авыл җирлегендә, шәһәр тибындагы поселокларда һәм 50 меңгә кадәр кеше яшәгән шәһәрләрдә урнашкан физик культура һәм спорт оешмаларын тренер кадрлары һәм спорт белгечләре белән тәэмин итү максатларында физик культура өлкәсе хезмәткәрләренә “Земство тренеры” программасын гамәлгә ашыру кысаларында бер тапкыр бирелә торган компенсация түләүләре каралган.

Бер тапкыр бирелә торган компенсация күләме бер кешегә 1 млн.сум тәшкил итә.

“2026 елга, 2027 һәм 2028 елларның план чорына Татарстан Республикасы бюджеты турында” Татарстан Республикасы Законында “Татарстан Республикасы спорт министрлыгы” идарә тармагы буенча 2026 елга 42 000 мең сум күләмендә чаралар каралган, шул исәптән федераль бюджеттан – 22 680,0 мең сум, Татарстан Республикасы бюджетыннан – 19 320,0 мең сум юнәлдереләчәк. Финанслашуның иң чик дәрәҗәсе федераль бюджеттан – 54%, Татарстан Республикасы бюджетыннан – 46%.