Илдар Халиков Татарстан Республикасы Инвестиция-венчур фондының Күзәтчелек советы утырышын уздырды

Бүген Татарстан Республикасы Министрлар Кабинетында Татарстан Республикасы Инвестиция-венчур фонды Күзәтчелек советының чираттагы утырышы булды.

Күзәтчелек советы утырышын Татарстан Республикасы Премьер-министры Илдар Халиков уздырды.

Утырышның көн тәртибенә ТР Инвестиция-венчур фонды эшчәнлегенә кагылышлы дүрт мәсьәлә кертелгән иде.

Татарстан Республикасы Инвестиция-венчур фондының Күзәтчелек советы әгъзалары 2017 елга финанс планын карадылар. Бу темага “Татарстан Республикасы Инвестиция-венчур фонды” коммерцияле булмаган оешма директоры Айнур Айдельдинов доклад ясады.

Моннан тыш, утырыш барышында Татарстан Республикасы Инвестиция-венчур фонды портфелендәге проектларга кагылышлы мәсьәләләр турында, аерым алганда, “Актаныш агрегат заводы” ЯАҖнең алга таба үсеше хакында фикер алыштылар.