Рөстәм Миңнеханов «Пивоварня Москва-Эфес» АҖ генераль директоры Рой Алан Корниш белән очрашты
Кичә Татарстан Республикасы Президенты Рөстәм Миңнеханов «Пивоварня Москва-Эфес» АҖ җитәкчелеге белән очрашты.
Чара ТР Хөкүмәте Йортында узды.
«Пивоварня Москва-Эфес» компаниясе ягыннан очрашуда генераль директоры Рой Алан Корниш, корпоратив мөнәсәбәтләр буенча директор Вадим Боцан-Харченко, корпоратив мөнәсәбәтләр буенча региональ директор (Казан) Станислав Аверьянов катнаштылар.
Очрашуда компания продукциясен җитештерү, төбәк базарында сатулар күләме, сәүдә челтәрләре белән компания арасындагы багланышлар мәсьәләләре турында сүз барды. Ассызыкланганча, компания эшчәнлеге социаль җаваплылык, сыйфат, экология, хезмәтне саклау өлкәсендә корпоратив сәясәт кысаларында алып барыла.
Очрашуда шулай ук ТР Президенты ярдәмчесе Альберт Нәфигыйн, ТР финанслар министры Радик Гайзатуллин катнаштылар.