“Россия – Ислам дөньясы: KazanSummit 2017” форумына 2017 катнашучы теркәлгән
Соңгы елларда Россия төбәкләре һәм ислам дәүләтләре арасында төп үзара икътисадый бәйләнешләр мәйданына әйләнгән Татарстан башкаласы тугызынчы тапкыр Россиянең Халыкара икътисадый саммитын һәм Ислам хезмәттәшлеге оешмаларын кабул итәчәк. Быел саммитка ике тапкыр артыграк кунаклар килер дип көтелә. Бүгенге көннең иртәсенә KazanSummit 2017 оештыручыларына катнашуга 2017 гариза килеп ирешкән. Бу хакта бүген ТР Хөкүмәте йортында брифинг вакытында ТР Инвестицион үсеш агентлыгы җитәкчесе Талия Миңнуллина хәбәр итте.
“Билгеле булганча, теркәлүнең соңгы көннәрендә шулай ук гаризалар кабул итү дәвам итә. Безнең әле тагын 3 көн бар, шуңа күрә катнашучылар күбрәк булачак. Хәзер үк үткән ел белән чагыштырганда, аларның берничә тапкыр артуы күзәтелә. Бу безне бик сөендерә”, - дип искәртте Миңнуллина.
Чара елдан ел зуррак үсеш кичерә. 2009 елда бу мәйдан Ислам эшкуарлыгы һәм финансларының Халыкара саммиты буларак эшләп китте. Аның аудиториясе 250 кеше тәшкил итте. Профиль идарә тармагы җитәкчесе әйтүенчә, ТР Инвестицион үсеш агентлыгының 2 ел эше дәвамында KazanSummit та катнашучылар саны 300дән 2 меңгә кадәр, катнашучы дәүләтләр саны 15тән 51гә кадәр арттырылган, ә ВИП-кунаклар дәрәҗәсе дөньяның иң югары стандартларына җитә. Башка еллардан аермалы буларак, быел оештыручылар төп игътибарны форумның эшлекле өлешенә биргән. Талия Миңнуллина әйтүенчә, ул чараны сәясидән бигрәк эшлекле булуын теләр иде. Шуңа күрә саммитка халыкара банклар һәм инвесторлар чакырулы.
“Кунаклар саны зур. Без банкирлар күбрәк килүен көтәбез. Бу Төркия банклары. Пакыстан, Судан һәм Гарәп Әмирлекләре банклары катнашуы көтелә. Безгә “Сибафи Ислам банкы” ислам Советы генераль секретаре дә киләчәк. Халыкара оешмалар шактый, Инвестицион үсеш агентлыкларының халыкара ассоциациясе җитәкчесе. Мин җитәкләгән безнең агентлык бу ассоциациягә керә. Шулай ук Икътисад һәм финанслар буенча бөтендөнья ислам фонды җитәкчесе һ.б. булачак”, - диде Талия Миңнуллина.
Искәртеп узарга кирәк, чит ил кунаклары арасында сәяси өлкәдән дә делегация булачак. Әмирлекләрнең берничә дәүләт министры, Бәхрейн Хөкүмәте вәкилләре, король гаиләсе әгъзалары, Төрекмәнстанның закон чыгару комитеты рәисе киләчәк.