ЯҢАЛЫКЛАР
Россия Федерациясе Президенты каршындагы Стратегик үсеш һәм илкүләм проектлар советы утырышы йомгаклары буенча төзелгән Россия Федерациясе Президенты йөкләмәләре исемлеге нигезендә Радиоешлыклар буенча дәүләт комиссиясе карары кабул ителде. Аның нигезендә элемтә операторлары 2031 елның 8 сентябренә кадәр федераль автомобиль юлларының кирәкле инфраструктура белән тәэмин ителгән барлык участокларын LTE стандарты буенча күчмә радиотелефон элемтәсе белән тәэмин итәргә тиеш.
2025 елдан Чебакса бистәсендә Гомуми практика табибы һәм педиатрның яңа үзәге эшли башлады. 406,8 квадрат метр мәйданлы үзәк бинасы Казан шәһәренең «20 нче шәһәр поликлиникасы» дәүләт автоном сәламәтлек саклау учреждениесенең оператив идарәсенә тапшырылды. Әлеге медицина учреждениесендә өлкәннәргә һәм балаларга медицина ярдәме күрсәтеләчәк.
2025 елда Татарстан Республикасында “Яшьләр һәм балалар” илкүләм проекты составына керә торган “Балаларга иң яхшысы” федераль проекты кысаларында мәктәпләр төзү буенча чараларны гамәлгә ашыру дәвам итә.
Татарстан Республикасы Финанс министрлыгы тарафыннан 2025 елда алгарышлы үсеш территорияләрендә гамәлгә ашыру планлаштырыла торган инвестиция проектларын карау эше дәвам иттерелә.
Татарстан Республикасында эксперимент рәвешендә «Һөнәри керемгә салым» һәм «Салым салуның автоматлаштырылган гадиләштерелгән системасы» махсус салым режимнары гамәлгә куела.
Россия Федерациясе Хөкүмәте тарафыннан 2026 елга, 2027 һәм 2028 еллар план чорына федераль бюджет турында Федераль закон проектын кертү срокларына төзәтмәләр кертелде.
Татарстан Республикасы Министрлар Кабинетының 2025 елның 18 июлендәге 1622-р номерлы боерыгы нигезендә, ашыгыч медицина ярдәме станцияләре автопаркын яңарту максатыннан, 2025 финанс елына Татарстан Республикасы бюджетыннан 100 «В» класслы ашыгыч медицина ярдәме автомобиле сатып алу өчен 630,2 миллион сум бүлеп бирелде.
2025 елның 1 нче яртыеллыгында максатчан тотылырга тиешле керемнәрне исәпкә алып, республиканың дәүләт һәм муниципаль учреждениеләре тарафыннан күрсәтелгән түләүле хезмәтләрдән берләштерелгән керемнәр 12 043,4 млн.сум тәшкил итте. Бу 2024 елның шул ук чоры керемнәреннән 2 131,1 млн. сумга күбрәк.
2025 елда Татарстан Республикасы бюджетыннан Татарстан Республикасы муниципаль берәмлекләре бюджетларына гражданнарның үзара салым акчаларын җәлеп итеп гамәлгә ашырыла торган җирле әһәмияттәге мәсьәләләрне хәл итүгә 1 225,7 млн.сум күләмендә башка бюджетара трансфертлар бирелде.
2025 елның беренче яртыеллыгында бюджет керемнәре һәм чыгымнары динамикасы, республиканың югары кредит рейтинглары мәсьәләсе, цифрлы рубльне гамәлгә кую турында Татарстан финанс министры Марат Фәйзрахманов белән фикер алыштык.