ЯҢАЛЫКЛАР

Россия Финанслар министрлыгы 2015 елның 1 гыйнварыннан 30 июненә кадәр Резерв фондның һәм милли байлык фондының акчаларын урнаштыру нәтиҗәләре турында хәбәр итә.

Катнашучылар игътибарына Эш төркеменең җитәкчесе, Икътисади белгечләр төркеме җитәкчесе Евсей Томович Гурвичның “Бюджет рисклары: ачыклау, булдырмау һәм саклану” исемле доклады тәкъдим ителде.

Үз чыгышында Евсей Гурвич Россия икътисады киң колачлы һәм төрле школарга дучар дип белдерде.   

Ирландиягә визитның төп максатларының берсе - инновацияләр һәм венчур үсеше өлкәсендә алдынгы тәҗрибә белән танышу. Бу хакта Татарстан Республикасы Президенты вазыйфаларын вакытлыча башкаручы Рөстәм Миңнеханов бүген Дублинда Ирландия эшлекле даирәләре белән очрашуында белдерде.

Татарстан Республикасында 2015 ел программасы кысаларында барлык 999 күп фатирлы йортта да капиталь ремонт башланды. Капиталь ремонт эшләре 242 күп фатирлы йортта тәмамланды. Бүген бу хакта Татарстан Республикасы төзелеш, архитектура һәм ТКХ министры Ирек Фәйзуллин Татарстан Республикасы Хөкүмәте Йортында узган республика киңәшмәсендә хәбәр итте. Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министры Илдар Халиков та катнашты.

Бүген көннең икенче яртысында Татарстан Республикасы Президенты вазыйфаларын вакытлыча башкаручы Рөстәм Миңнеханов Чаллы шәһәрендә «КАМАЗ» ААҖ акционерларының еллык гомуми җыелышында катнашты.

Чара «ИТ-парк» югары технологияләр өлкәсендәге технопаркта узды. Җыелышта шулай ук «КАМАЗ» ААҖ генераль директоры Сергей Когогин, «Ростех» дәүләт корпорациясе генераль директоры Сергей Чемезов, республика министрлыклары һәм ведомстволары вәкилләре катнашты.

Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Әлмәт шәһәрендә "Татнефть" ААҖ акционерларының еллык гомуми җыелышында катнашты.

Җыелыш эшендә шулай ук "Татнефть" ААҖ генераль директоры Наиль Маганов, "Связьинвестнефтехим" ААҖ генераль директоры Валерий Сорокин, Татарстан Республикасы Президенты ярдәмчесе Шәфәгать Тәһәветдинов, республика министрлыклары һәм ведомстволары вәкилләре катнашты.

"Татнефть" ААҖнең 2014 елдагы эшчәнлеге нәтиҗәләре турындагы нотык белән "Татнефть" ААҖ генераль директоры Наиль Маганов чыгыш ясады. 2014 елда "Татнефть" акционер җәмгыяте нефть һәм газ чыгаруны киләчәктә дә тотрыклы итү буенча, ресурс базасын ныгыту буенча, нефть эшкәртү һәм нефть химиясе бизнес-сегментларын үстерү һәм башкалар буенча стратегик бурычларын уңай хәл иткән.

«ТАИФ» компанияләре төркеменең 2014 елда чиста табышы 45 млрд. сум, «ТАИФ» ААҖнең 8 млрд. сум чамасы. Бүген бу хакта матбугат конференциясендә «ТАИФ» ААҖ Директорлар советы рәисе, генераль директорының беренче урынбасары Рөстәм Султиев хәбәр итте.

Матбугат конференциясе «ТАИФ» ААҖ акционерларының еллык гомуми җыелышы һәм Директорлар советы утырышы тәмамланганнан соң уздырылды. Матбугат конференциясендә Татарстан Республикасы Президенты вазыйфаларын вакытлыча башкаручы Рөстәм Миңнеханов, «ТАИФ» ААҖ генераль директоры Альберт Шиһабетдинов катнашты.

Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов «Алабуга» махсус икътисадый зонасындагы 3М компаниясе заводында булды. Аны Татарстан Республикасы Президентының халыкара мәсьәләләр буенча киңәшчесе Радик Гыйматдинов. Татарстан Республикасы Инвестицион үсеш агентлыгы җитәкчесе Талия Миңнуллина, «Алабуга» МИЗ генераль директоры Тимур Шаһивәлиев, Алабуга муниципаль районы башлыгы Геннадий Емельянов озата йөрде.