ЯҢАЛЫКЛАР

Бүген Татарстан Республикасы Президенты Рөстәм Миңнеханов Казан шәһәрендә 2015 елгы су спорт төрләре буенча XVI дөнья чемпионатына һәм "Мастерс" категориясендә су спорт төрләре буенча XVI дөнья чемпионатына әзерләнү һәм аны уздыру буенча республика оештыру комитеты утырышын уздырды.

Утырыш Татарстан Республикасы Хөкүмәте Йортында узды, анда шулай ук ТР Премьер-министры Илдар Халиков катнашты.

Халыкара дәрәҗәдәге чарага хәтле бер ел калды, без аны тиешенчә уздырырга тиеш, дип әйтте утырыш башында Рөстәм Миңнеханов. Аның сүзләренчә, республиканың мондый спорт ярышларын уздыру тәҗрибәсе бар, бу системалы эш итүне таләп итә. Су спорт төрләре буенча дөнья чемпионаты – спорт дөньясында әһәмиятле вакыйга, 2015 елда катнашучы илләр саны Казандагы 2013 елгы Универсиадагы илләр саныннан артыр дип көтелә, дип искәртте Татарстан Президенты. Медальләр саны буенча әлеге чемпионат җиңел атлетика буенча дөнья чемпионатыннан соң икенче урында.

Бүген Татарстан Республикасы Премьер-министры Илдар Халиков 2015 елда Казанда булачак Спортның су төрләре буенча XVI дөнья чемпионатына һәм “Мастерс” категориясендә Спортның су төрләре буенча XVI дөнья чемпионатына әзерлек һәм аны уздыру буенча республика оештыру комитетының чираттагы утырышын уздырды.

ТР Хөкүмәте йортында узган утырыш барышында, анда катнашучылар ярышлар булачак спорт объектларының әзерлеге һәм куркынычсызлык мәсьәләләре, клиентлар төркемнәрен урнаштыру һәм аларны ашату, медицина ярдәме белән тәэмин итү мәсьәләләре турында фикер алыштылар.

Финанслар министрлыгы Россиядә виртуаль акчаны чыгару һәм куллануны тыючы проект эшли. Бу турыда "Коммерсант" газетасы яза.

Россиянең  Финанслар министрлыгың ачык булу принципларын тормышка ашыру буенча координацион комиссия утырышы узды. Әлеге чара Финанслар министрының беренче урынбасары Татьяна Нестеренко рәсилегендә узды.

“Смарт Сити Казань” мәйданчыгында Россиянең “Лионтех” компаниясе белән Көньяк Кореянең Mirae компаниясе бергә радиоэлектроника сәнәгате өчен югары төгәллеккә ия җиһазлар эшләп чыгару буенча завод төзергә планлаштыралар. Бүген компанияләр җитәкчеләре Татарстан Премьер-министры Илдар Халиков белән очрашуда проектны гамәлгә кертү перспективалары турында фикер алыштылар. ТР Хөкүмәт йортында узган очрашуда ТРның Лаеш муниципаль районы башлыгы Михаил Афанасьев, “Иннополис” МИЗ генераль директоры Игорь Носов катнашты.

2014 елның 1 августына Россия Федерациясенең Резерв фондының гомуми күләме 3 трлн. 95 млрд. сум, тәшкил итте, бу 86,63 млрд. долларга тигез, диелә Финанслар министрлыгы хәбәрендә.  

 Офшор юрисдикциясендә теркәлгән компанияләргә салым салуны камилләшетрү буенча закон проекты авуст ахырына кадәр Хөкүмәт тарафыннан тикшереләчәк һәм Дәүләт Думасына көзге сессиядә кабул ителү өчен тәкъдим ителәчәк. Бу турыда РФ  финанслар министры Антон Силуанов: РФ Президентының Хөкүмәт әгъзалары белән очрашу бурышында хәбәр итте. 

Бүген Татарстан Республикасы Министрлар Кабинетында узган брифингта кече һәм урта бизнеска ярдәм итүгә юнәлдерелгән республика программаларын гамәлгә ашыру турында сүз барды. Алар турында ТР икътисад министры Мидхәт Шаһиәхмәтов сөйләде.

Министр Татарстанда кече һәм урта эшмәкәрлек секторының 140 мең эшмәкәрлек субъектыннан гыйбарәт булуын искәртте, бүгенге көндә аларда 480 меңгә якын кеше мәшгуль. Ул билгеләп үткәнчә, быел кече һәм урта эшмәкәрлек субъектлары санының тотрыклылыгы күзәтелә. Узган ел белән чагыштырганда, производство бизнесында, сәнәгатьтә кече һәм урта предприятиеләр саны үсештә. Моннан тыш, производство белән бәйле бизнес үсешендә дә уңай динамика күренә.

Fitch халыгара рейтинг агентлыгы Россия Федерациясе эмитенты дефолтының озак вакытка рейтингын чит ил һәм милли валютадаларда  ВВВ дәрәҗәсендә раслады. Рәсми сайтта урнаштырылган гаризада билгеләнгәнчә, әлеге билгегә "негатив" караш бирелгән.

Татарстан Республикасы Президенты Рөстәм Миңнеханов "Татарстан Республикасы Бюджет кодексының аерым положенияләренең туктатылып торуы турында" Татарстан Республикасы Законына кул куйды.