ЯҢАЛЫКЛАР

 Минфин февраль башында РФ евробондларын урнаштыруны оештыручыларны сайларга исәпли дип хәбәр итте Константин Вышковский.

Финанс Министрлыгы Себер газларына Файдалы табышларны табуга салымнан азат итү турындагы Икътисад министрлыгы фикерен хупламады.

Казан территориясендә 2012 елда  бюджетның төрле дәрәҗәләренә салымнарны җыю 25 процентка артып, 86 млрд. сум тщшкил итте. Шул ук вакытта федераль бюджетка салым кертемнәре өчтән бергә (29,6 млрд. сумга хәтле), республика бюджетына дүрттән бергә (47,4 млрд. сумга кадәр), муниципаль дәрәҗәгә 3 процентка (8,9 млрд. сумга кадәр) арткан.

Бу саннарны бүген мэриядә узган эшлекле дүшәмбедә Казан шәһәре башкарма комитетының финанс идарәсе җитәкчесе Айрат Гарипов җиткерде. 

 Россия Федерациясенең тышкы әҗәте, Россия Банкы бәяләвенчә,  2012 елда 15,4 процентка арткан һәм ул 2013 елның 1 гыйнварына 624 млрд. доллар тәшкил иткән.

2013 елның 10 гыйнварында Татарстан Республикасы финанлар миистрлыгында 2013 елда җирле бюджетларның үтәлешенә кагылышлы мәсьәләләргә багышланган муниципаль берәмлекләрнең финанс органнары җитәкчеләре белән видеоэлемтә системасында киңәшмә узды.

Киңәшмәдә «АЦК-Финансы» программасында бюджет росписен һәм сметалар ясауны тәмамлау, җирле бюджетларга керемнәрне җыю һәм планлаштырылган чыгымнарны финанслау чыганаклары белән каплау мәсьәләләре тикшерелде.

2012 елда Urals маркалы нефтькә бәя 110,52 доллар тәшкил итте

Бүген Рөстәм Миңнеханов өч көнлек эшлекле сәфәре белән Малайзиядә. Татарстан Республикасы Президенты Рөстәм Мңнехановның эшлекле очрашуы Малайзиянең башкаласы Куала-Лумпур шәһәрендә башланды. Татарстан делегациясе составында фән һәм мәгариф министры Энгель Фәттахов, Татарстан Республикасының инвестицияләр җәелдерү агентлыгы җитәкчесе Линар Якупов, Татарстан Дәүләт Советының салым һәм финанс комитеты рәисе Морад Гаделшин һәм Татарсанның югары уку йортларының ректорлары да бар.

Рөстәм Миңнеханов әлеге эшлекле визит кысаларында Малайзиянең Премьер-министры, бездәге Иннополиска охшаш ай-ти шәһәр Киберджая белән танышачак. Шулай ук Татарстан-Малайзия семинарында Татарстанның инвестицион үсешен күтәрүче проект тәкъдим итәчәк.

2012 елда республиканың терлекчелек тармагындагы төп күрсәткечләр хакында бүген ТР Хөкүмәте йортында Премьер-министр Илдар Халиков рәислегендә узган республика киңәшмәсендә авыл хуҗалыгы һәм азык-төлек министрының беренче урынбасары Минсәгыйрь Нуретдинов хисап тотты.

Аның сүзләренә караганда, узган ел Татарстанда 330 мең тонна ит җитештерелгән. 2011 ел белән чагыштырганда, үсеш 12 процент тәшкил иткән. Иң зур үсеш – кош итен җитештерүдә (19 процент). Дуңгыз ите җитештерү 12 процентка арткан. Ел дәвамында дуңгызлардан -1 млн баштан артык, мөгезле эре терлектән 280 баш токым алынган.

Татарстан Республикасы финанс министрлыгы хезмәткәрләре сукыр һәм начар күрүче балалар өчен Лаеш махсус (коррекцион) мәктәп-интернатында укучыларга ярдәм күрсәтте. Балалар өчен махсус яңа ел бүләкләре таратылды. 

Спас муниципаль районының агымдагы елда консолидацияле бюджетны үтәү 2011 елда ирешкән күрсәткечләрдән күпкә артыграк. Керем өлеше буенча ул 335,0 миллион сум күләмендә кабул ителгән. Ел дәвамында ул республикадан алынган өстәмә акчалар һәм өстәмә керемнәр исәбенә тулыландырылган. 1 декабрьгә ачыкланган консолидацияле бюджет күләме 429,0 миллион сум тәшкил итә, үсеш – 28 процент, яки 94 миллион сум. Район буенча бюджет 92 миллион сумга, яки 23 процентка ачыкланган.

11 ай эчендә консолидацияле бюджет 394 миллион сумга үтәлгән, яки ачыкланган еллык планның 92 процентын тәшкил итә. 1 декабрьгә республикадан бюджетара трансфертларның барысы да алып бетерелгән. Салым һәм салым булмаган керем алуның торышы да канәгатьләнерлек. Агымдагы елның 11 ае эчендә консолидацияле бюджетка үзкеремнәр 99,7 млн. сум күләмендә кергән, бу узган ел белән чагыштырганда 135 процент тәшкил итә. Бу чорда планнан тыш керем дә алынган, ул 15,3 миллион сум күләмендә өстәмә чыгымнарга тотылган, дип хәбәр итә “Яңа тормыш” газетасы хәбәрчеләре.