ЯҢАЛЫКЛАР

Бүген ТР Хөкүмәт йортында iCarnegie Learning University һәм Иннополис ИТ-университеты килешү турында меморандум имзалады. Бу тантанада Татарстан Республикасы Президенты Рөстәм Миңнеханов катнашты.
Документка iCarnegie директоры Гил Таран һәм Иннополис ИТ-университеты директоры Дмитрий Кондратьев имза куйды. 

Россия Федерациясе Хөкүмәте регионнарының бюджет кредитлары буенча әҗәтләрен реструктуризацияләү кагыйдәләрен раслады.

Россиянең барлык төбәкләре вәкилләре Казан Универсиадасы кунаклары булырга тиеш. Бүген Мәскәүдә РФ Хөкүмәте рәисенең беренче урынбасары Игорь Шувалов Универсиаданың оештыру комитеты утырышында шулай дип белдерде. РФ Хөкүмәте йортында узган утырышта ТР Президенты Рөстәм Миңнеханов, РФ элемтә һәм массакүләм коммуникацияләр министры Николай Никифоров, РФ спорт министры Виталий Мутко, Россия Олимпия комитеты генераль секретаре Марат Бариев, Казан мэры Илсур Метшин, Универсиада дирекциясе җитәкчесе Владимир Леонов һ.б. катнашты.

Кипр финанс министры Васос Шиарли герман матбугатында басылган утрау дәүләтенең проблемалы бюджетына дәүләт әҗәтен кичерү кирәк икәне турында язмаларның дөрес түгеллеген белдерде, дип хәбәр итте Никосиядән Афина яңалыклар агентлыгы.

Федерель һәм бирле хакимият органнары, үсеш институтлары һәм бизнес бердәм эшләгәндә генә, Россия Федерациясе субъектларында инвестицион климатны къпкъ яхшыртып була. Бу турыда бүген Татарстан Республикасы Президенты Рөстәм Миңнеханов белдерде.

РФ Икътисади үсеш министрлыгы аерым икътисади зоналарның торышын һәм ресурслар белән тутырылышын үзгәртү буенча тәкъдимнәр комплексын әзерли.

Татарстан җитәкчелеге Федераль Куркынычсызлык хезмәтенең ТР буенча Идарәсе хезмәткәрләренә Универсиадада куркынычсызлык тәэмин итү буенча зур өметләр баглый. Бу хакта бүген Татарстан Президенты Рөстәм Миңнеханов Россия дәүләт иминлеге органнары хезмәткәрләре көненә багышланган тантаналы чарада белдерде.

Бу чарада ТР Хөкүмәт вице-премьеры Әскать Сәфәров, Казан мэры Илсур Метшин катнашты.

Федераль Куркынычсызлык хезмәтенең ТР буенча Идарәсе җитәкчесе Александр Антонов тантаналы чараны ачып, дәүләт иминлеге органнары хезмәткәрләренә Россия Президенты Владимир Путинның котлау телеграммасын укыды.

Р.Миңнеханов Федераль Куркынычсызлык хезмәтенең ТР буенча Идарәсе хезмәткәрләренә һөнәри бәйрәмнәре белән котлап мөрәҗәгать итте.

Финанслар министры Антон Силуанов "Дима Яковлев Законы" турында, пенсия реформасы һәм мотоцикл йөртү турында сөйләде.

"Мәскәү хәбәрләре" газетасында "Тормыш дәрәҗәсен күтәрү җайланмасы" исемле мәкаләдә Л.В.Горин белән әңгәмә басылды. РФ финанслар министры урынбасары Леонид Горнин "Мәскәү хәбәрләренә" теге яки бу регионда тормыш дәрәҗәсенең нигә бәйле икәнен сөйләгән. 

19 декабрьдә Мәскәү өлкәсенең “Сколково” технопаркы территориясендә “Татнефть” ААҖ нең Фәнни-техник үзәген ачу турында Килешү имзалау тантанасы булды. Тантаналы чарада Татарстан Президенты Рөстәм Миңнеханов, “Сколково” фонды президенты Виктор Вексельберг, “Татнефть” ААҖ генераль директоры Шәфәгать Тәхаутдинов катнашты.

Виктор Вексельберг Килешүне имзалау алдыннан бу фактны Сколково тарихында истәлекле вакыйга, дип атады. Аның сүзләренә караганда, бу вакыйганың башы Идел буе буенча беренче җитди проектлар гамәлгә ашырган һәм белгечләре Себер нефть ятмаларын өйрәнгән “Татнефть” тарихы тамырына барып тоташа. Фәнни эшчәнлеген Бөгелмәдә һәм Әлмәттә нефть чыгару машиналары төзелеше өлкәсендә башлаган В.Вексельберг, Татарстан нефтьчеләре тәҗрибәсе һәм технология дәрәҗәсе югары халыкара стандартларга туры килә, ә бу нефть ятмаларын эшкәртүне югары дәрәҗәдә тоту мөмкинлеге бирә диде. Бу мәсьәләдә дә барысы да Россия киләчәге өчен югары дәрәҗәдә әһәмияткә ия, дип белдерде ул.