ЯҢАЛЫКЛАР
Fitch халыкара рейтинг агентлыгы моннан алда җомга көнне чит ил һәм милли валютада Россия Федерациясенең эмитент дефолтының озак вакытка рейтингы буенча фаразны рейтингны "ВВВ-" дәрәҗәсендә раслап, тискәредән тотрыклыга яхшыртты.
Бу турыда Россия Федерациясе финанслар министры Антон Силуанов хәбәр итте. Министр сүзләре буенча, бер ай дигәндә, "зур өчлектән" булган икенче агентлык россия рейтингын яхшырту турында карар кабул иткән.
Министр сүзләре буенча, агентлык ассызыклап узганча, җитештерүче илләр нефтькә бәяне киметү шартларында кабул ителгән чаралар төсендә Россия Хөкүмәте һәм Банкының гамәлләре нәтиҗәлеклелеге белән аерылып тора.
Бүген “Финнополис-2016” форумы кысаларында Россия Саклык банкы белән Татарстан Республикасы арасында инновацион өлкәдә хезмәттәшлек турында килешү төзелде. Документка “Саклык банкы” ГАҖ идарәсе рәисе Герман Греф һәм Татарстан Президенты Рөстәм Миңнеханов имзасын салды.
Шулай ук бүген “Мир” түләү картасын Татарстан территориясендә алга таба этәрү буенча “юл картасы” расланды. Шул хактагы документка ТР Премьер-министры Илдар Халиков һәм Россия Үзәк банкы рәисе урынбасары Ольга Скоробогатова кул куйды.
Бүген Татарстан Республикасы Президенты Рөстәм Миңнеханов Татарстан Республикасы Инвестицион совет президиумы утырышын уздырды.
Утырышта Татарстан Республикасы Премьер-министры Илдар Халиков катнашты.
ТР Инвестицион үсеш советы президиумы әгъзалары инвестор компанияләрнең җиде проектын карадылар.
Республика клиник онкология диспансеры нигезендә Accuray (АКШ) компаниясе җиһазларын кулланып, регионара атом-төш медицинасы үзәген булдыру проекты тәкъдим ителде. Проект ТР Сәламәтлек сакалу министрлыгы белән килештерелгән.
Проектны гамәлгә ашыру өчен акчаны инвестор бирә. Яңа үзәктә иң заманча җиһазлар булачак.
Инвестсовет президиумы проектны раслады.
Россия икътисады авыр заман кичерде һәм хәзер алга таба барачак, дип белдерде "Россия чакыра!" форумында Россия Федерациясе финанс министры Антон Силуанов.
"Без 2016 елда бюджет консилидациясен үз вакытында үткәрдек, башка илләрдән аермалы буларак кулланыштагы акча күләмен арттырмадык, эшсезлекнең артуына юл куймадык. Бу авыр булды, бу реаль керемнәрнең кимүенә китерде. Ләкин шулай да без бу авыр заманны уздык һәм хәзер алга таба адымнар ясыячакбыз", - диде ул.
Бюджет турында
2017-2019 елларга өч еллык бюджет инвеcтицион үсешне тернәкләндерүгә максатланган, дип белдерде Антон Силуанов.
2016 елда Россиядән капитал чыгуы нульгә якын булачак, диелгән Россия Федерациясе Финанс министры урынбасары Максим Орешкинның Россия Федерациясе Финанс министрлыгы каршындагы Иҗтимагый Советының 2017-2019 елларда бюджет сәясәтенең төп юнәлешләре һәм өч елга салым сәясәте турындагы утырышында ясаган чыгышка презентация материалларында.
Моңа кадәр Россия Банкы рәисе Эльвира Нәбиуллина белдергәнчә, 2016-2018 елларда безнең илдән капитал чыгуы бик югары дәрәҗәдә булмыячак - елына 25 млрд. доллардан да артмас дип белдергән иде.
Бу турыда Россия Федерациясе Финанслар министрлыгының рәсми сайтында белдерелгән.
Бүген Татарстан Республикасы Президенты Рөстәм Миңнеханов эш визиты белән Төрекмәнстанга килде. Ашхабад шәһәрендә Сапармурат Ниязов исемендәге халыкара аэропортта Татарстан Президентын Россия Федерациясенең Төрекмәнстандагы Гадәттән тыш һәм Тулы вәкаләтле Илчесе Александр Блохин һәм Төрекмәнстан Дәүләт спорт комитеты рәисе Тойли Камәков каршы алды.
Россия Федерациясе Президенты Владимир Путинның "май указлары" Хөкүмәт өчен беренче чиратта тора, аларны ашыру өчен финанс ресурслар бар. Бу турыда Россия Федерациясе финанс министры Антон Силуанов, Дәүләт Думасында Парламент тыңлауларында чыгышы барышында белдерде.
"Президентның "май указлары" - Хөкүмәт өчен алдынгы, һәм федераль бюджетта өстәмә ресурслар каралган. Әлбәттә, Россия Федерациясе субъектлары өчен дә финанс ярдәме булачак. Май указларын гамәлгә ашырыр өчен Россия Федерациясе субъектларына ярдәмгә өч елга 50 млрд. акча каралган", - диде министр.
Әлеге мәгълүмат Россия Федерациясе финанслар министрлыгының рәсми сайтыннан алынды.
"Озак вакытка нефть бәләренең баррель өчен 40-50 доллар дәрәҗәсендә давими бәядә (2016 елда) стабильләшүе иң мөмкин сценарий кебек кабул ителә", - диелә документта.
Россия Федерациясе финанслар министрлыгы белдергәнчә, озаграк вакытка нефть бәясеннең артуы өстәмә факторлар белән тоткарланачак, мәсәлән, глобаль икътисад үсеше темпының кимүе, ил икътисадының энерго күләме, яңа технологияләрне кулланудан һәм нәтиҗәлелеклне арттыру нәтиҗәсендә табуның үзкыймәтте артуы, шулай ук нефть һәм нефть продуктларын кулланучы тармакаларда кирәклеклекнең структурасы үзгәрүе.
Бу турыда мәгълмат Россия Федерациясе финанслар министрлыгының рәсми сайтыннан алынды.
Россия Федерациясе финанслар министрлыгы сидрга, әче бал һәм сырага, шул исәптән алкогольсез сырага да акцизларны тигезләргә тәкъдим итә - бу чара, министрлык фикеренчә, төбәкләрнең бюджетларын баланслаштырырга мөмкинлек бирәчәк.
"Сидрга, пуарега, әче балга, шулай ук 0,5% кадәр этил спирты булган сырага этил спирты 0,4% тан башлап 8,6% кадәр өлешле күләме булган сырага кебек үк литры өчен 21 сум саналачак", - диелә "2017-2019 елларга салым сәясәтенең төп юнәлешләре" проектында.
Моңа кадәр Россия Федерациясе сидрга, пуарега һәм әче балга, шулай ук чит ил виноградыннан ясалган шәрабка акцизларны 2016 елда 9 сумнан, 2017 елда 10 сумга кадәр арттырырга, үз илебезнең виноградыннан ясалган шәрәбеннән 2016-2017 елларда 5 сум күләмендә саныячак.
Шәхси җир ширкатендә төзелгән, кадастр исәп-хисабында күрсәтелгән, ләкин шул ук вакытта рәсмиләштерелмәгән йортларның хуҗалары милеккә салым түләргә мәҗбүр булачак. Әлеге чара Россия Федерациясе Финанс министрлыгының рәсми сайтында урнаштырылган "2017-2019 елларга Салым сәясәтенең төп юнәлешләре" проектында каралган.
"Кадастр учетына куелган, ләкин хокуклары каралган тәртип буенча теркәлмәгән капиталь төзелеш объектларын салым әйләнешенә кертү йөзеннән, әлеге объектлар урнашкан җир кишәрлекләре хуҗаларыннан шундый объектлар өчен физик затларның милкенә салым түләтүне закон белән рәсмиләштерү мәсьәләсе карала", - диелгән документта. Гади итеп әйткәндә, Россия Федерациясе финанс министрлыгы күчемсез милеккә салымны, хуҗасы милеккә хокукын рәсмиләштермәгән очракта да түләтергә ниятли.