ЯҢАЛЫКЛАР

Бүген Татарстан Республикасы Президенты Рөстәм Миңнеханов ике көнлек эш сәфәре белән Ригага (Латвия Республикасы) килде.

Россия Федерациясе финанслар министрлыгы 2018 ел ахырына кадәр шәхси касәбчеләр статусына ич булмаган репетиторлар, нянялар һәм сиделкаларны керемгә салымнан азат итергә тәкъдим итә.

Әлеге чара үз-үзен эш белән тәэмин итүчеләрнең "соры" секторыннан котылырга ярдәм итәчәк дигән өмет бар.

"Физик затларга кайбер төрдә хезмәт күрсәтү өчен шәхси нигездә ялланган шәхси касәбче булмаган һәм эшләүче физик затларга, алар күрсәткән хезмәт турында үзләре теләп белдерү өчен кертелә. Шушы эштән керемнәр физик затлар кеременә салымнан 2018 елның 31 декабренә кадәр азат ителәчәк", - диелә документта. 

Чит илләргә сатылучы Россиянең төп товар булган Urals маркалы нефтькә уртача бәя агымдагы елның гыйнвар-сентябрь айларында узган елның шушы ук вакыты белән чагыштырганда 26,6% кимегән. Россия Федерациясе финанслар министрлыгының рәсми сайтында белдерелгәнчә, ул баррель өчен 39,92 доллар тәшкил итте.

Бүген Татарстан Республикасы Президенты Рөстәм Миңнеханов "Җәмгыятьтә фән һәм технологияләр" форумына нигез салучы Коджи Оми әфәндене Татарстан Республикасына чакырды. Искәртик, ТР Президенты Япониядә кыска вакытлы эш сәфәрендә. 

Форум башланыр алдыннан РФ Хөкүмәте Рәисе урынбасары Аркадий Дворкович форум рәисе Коджи Оми белән очрашты. 

Аркадий Дворкович искәрткәнчә, Татарстан башкаласы Казанда ике атна элек Россия икътисадын модернизацияләү буенча Россия-Япония консультатив советның 6 нчы утырышы узды. 

Татарстан Президенты Рөстәм Миңнеханов, үз чиратында, Коджи Оми әфәндегә чакырулары өчен рәхмәт белдерде һәм Япониягә форумда катнашу өчен Татарстан Хөкүмәте әгъзалары килүе турында хәбәр итте. 

ТР Президенты сүзләренчә, быел февраль аенда ул Япониядә эш визиты белән булды, ә хәзер ул бирегә Сочидан  килде. Әңгәмә ахырында Рөстәм Миңнеханов Коджи Оми әфәндене Татарстанга чакырды. Аның фикеренчә, бу хезмәттәшлекне активлаштырырга өстәмә этәргеч булачак. 

Шуннан Рөстәм Миңнеханов РФ Хөкүмәте Рәисе урынбасары Аркадий Дворковичның Япония Премьер-министры Синдзо Абэ белән очрашуында катнашты. Очрашу барышында яклар Россия-Япония хезмәттәшлеге мәсьәләләре турында сөйләште.

Бүген Татарстан Республикасы Президенты Рөстәм Миңнеханов Стратегик үсеш һәм өстенлекле проектлар буенча РФ Президенты каршындагы Совет президиумы утырышында катнашты. 

Бүген Татарстан Республикасы Президенты Рөстәм Миңнеханов «Сочи-2016» халыкара инвестицион форумында катнашу өчен Сочи шәһәренә килде, форум 2016 елның 29 сентябреннән 1 октябренә кадәр Олимпия паркының Төп медиаүзәгендә булачак.

Иртәгә, 30 сентябрьдә, Татарстан Президенты Россия Федерациясе Хөкүмәте Рәисе Дмитрий Медведев катнашындагы пленар утырышта катнашачак, утырышның темасы – дәүләт идарәсенең яңа сыйфаты. 

30 сентябрь һәм 1 октябрь көннәрендә Рөстәм Миңнеханов өч панель дискуссиядә чыгыш ясаячак: «Территорияләрне үстерү: торак тирәлеген  формалаштыруга заманча алымнар», «Махсус икътисадый зоналарны яңадан кору» һәм «Үсеш институтлары – төбәк дәрәҗәсендә нәтиҗәле модельләрне эзләү».

Бүген Татарстан Президенты Рөстәм Миңнеханов “Пирамида” комплексында Машина төзүчеләр көненә багышланган тантанада катнашты.

Бүген Татарстан Республикасы Президенты Рөстәм Миңнеханов  Торонто шәһәрендә Татарстан-Канада эшлекле форумында катнашты. Искәртәбез, 25-27 сентябрь көннәрендә Татарстан Республикасы Президенты җитәкчелегендәге Татарстан делегациясе Канадага эш сәфәре кыла.   

​Канада бизнесы вәкилләрен сәламләп, Татарстан Республикасы Президенты белдергәнчә, бүген, әлбәттә, сәяси климат үз эзен калдыра. Рөстәм Миңнеханов ышаныч белән билгеләп үткәнчә, Россия белән Канада арасындагы мөнәсәбәтләр конструктив булып калачак. 

«Халыкара сәяси климат һичшиксез нормага керер. Безнең бурыч –– бизнеска дөрес сигнал бирү, – диде ТР Президенты. – Иллләребез җитәкчелегенә төбәк дәрәҗәсендә уртак проектларны хуплаганнары өчен рәхмәт белдерәсем килә. Ышанам, әлеге визит компанияләребез арасындагы мөнәсәбәтләр үсешенә яңа этәргеч булыр». 

Татарстан Республикасы Финанслар министрлыгында 2016 елның 27 сентябрендә республкианың муниципаль район һәм шәһәр берәмлекләренең финанс органнары җитәкчеләре белән 2016 елның гыйнвар-август айларында җирле бюджетларның үтәлешләре һәм 2016 елның сентябрь аенда көтелүче үтәлеше мәсьәләләре буенча киңәшмәләр узды. Әлеге очрашулар вакытында салым һәм салым булмаган җыемнарның планга карата үтәлеш күрсәткечләре, планлаштырылган чыгымнарның финанс чыганаклар белән тәэмин ителүе, учрежденияләрнең кредитор бурычлары, 2016 елда Дәүләт Торак Фондына түләүләр буенча район һәм шәһәрләрдәге ошмаларның йөкләнмәләре үтәлүе каралды.

Татарстан Республикасы финанслар министрлыгы хезмәткәрләре 2016 елның 25 сентябрендә Меңъеллык мәйданында узган «Милләтләр кроссы - 2016» Россиякүләм йөгерү көне чарасында катнашты.

1 чакрымлы массакүләм йөгерештә 20 меңнән артык казанлы катнашты. Бу көнне республиканың башка шәһәрләрендә дә шундый ук йөгерешләр узды. Ярышлар Россиянең 79 шәһәрендә узды.