ЯҢАЛЫКЛАР

Россия Федерациясенең Премьер-министры Дмитрий Медведев Россия Федерациясе финанслар министрлыгына төбәкләргә тапшырылган дәүләт вәкаләтләрен финанслау өчен 2017 елда акча дефицитын капларга кушты.

Россия Федерациясенең финанслар министрлыгы еврооблигацияләрне өстәмә урнаштыру буенча караны көз көне кабул итәчәк, дип хәбәр итте Россия Федерациясе финанслар министрлыгының Дәүләт долгы департаменты директоры Константин Вышковский.

Облигацияләрнең планлаштырылучы өстәмә эмиссия күләме сумнарга күчерелгән әҗәт язулары белән алмаштырылырга мөмкин, дип өстәде ул.

Яз ахырында, 27 май көнне, Россия Федерациясе Финанслар министрлыгы тышка базарларда шушы суммага 10 еллык евробонларны урнаштырып, 1,75 млрд. сум бурычка алган иде инде. Башта 3 млрд. доллар алып булыр дип фаразланган иде, ә гаризалар күләме хәтта 7 млрд. доллар тәшкил итте. Ләкин бурычка алу бик кыйбат булып чыкты, керем ставкасы еллык 4,75% тәшкил итте.

Россия Федерациясенең Премьер-министры Дмитрий Медведев Псков өлкәсенә эшекле визит белән киләчәк, монда ул төбәкләрнең социаль-икътисади үсеше буенча киңәшмә уздырырга планлаштыра.

Хөкүмәтнең матбугат хезмәтендә хәбәр иткәнчә, әлеге киңәшмәдә Төньяк-Көнбатыш федераль округында президентның вәкаләтле вәкиле Николай Цуканов, Россия Федерациясенең финанслар министры Антон Силуанов, Ерак Көнчыгышны үстерү буенча министр Александр Галушка, Төньяк Кавказ эшлщре буенча министр Лев Кузнецов, транспорт министры Максим Соколов һәм төбәкләрнең җитәкчеләре катнашачак.

Төбәкләрнең икътисадлары үсеше мәсьәләсе министрлар кабинетында һәрвакытта да көнүзәк мәсьәләләрнең берсе булып тора. АСИ даими уздырып торучы төбәкләрнең инвестицион рейтпнглары буенча, иң уңайлы инвестицион мөһит, һәм, димәк иң югары икътисади торыш дәрәҗәсе Татарстанда, Белгород һәм калуга өлкәләрендә саклана. Россия Федерациясенең башка төбәкләре федераль ярдәм сорарга мохтаҗ. 

Россия Федерациясеннән нефтьне экспортлауга пошлина 2016 елның 1 сентябреннән 101,1 долларга кимиячәк һәм тоннасы өчен 80 долларны тәшкил итәчәк, дип исәпләнәгәннәр Россия Федерациясенең Финанслар министрлыгында. Urals нефтенә уртача бәя 2016 елның 15 июленнән 14 августына кадәр вакыт аралыгында баррель өчен 41,57 доллар тәшкил итте, ягъни тонаасы өчен 303,5 доллар, диелә Россия Федерациясенең Финанслар министрлыгының рәсми сайтында урнаштырылган белешмәләрдә.

Россия Федерациясе федераль бюджетының дефициты 2016 елның гыйнвар-июнь айларында 1,521 триллион сум, яки Тулай төбәк продукты күләменең күләменең 3,3% тәшкил итте, диелә Россия Федерациясе Финанслар министрлыгы мәгълүматларында.

Россия Федерациясе финанслар министрлыгы белешмәләре буенча, агымдагы елның җиде аенда федераль бюджетның керемнәре 6,967 триллион сум тәшкил иткән (расланган ел күләменең 50,7% бу), чыгымнар - 8,488 триллион сум (ел фаразының 52,7%). Шулай итеп, дефицит 1,521 триллион сум тәшкил иткән. Бюджетның беренчел дефициты 2016 елның гыйнвар-июль айларында 1,187 триллион сум, ягъни тулай төбәк продукты күләменнән 2,6%. 

2016 елның 15 августында Татарстан Республикасы финанслар министры Радик Гайзатуллин ТАИФ компанияләр төркеменең эре җитештерүчеләр төркемнәре, машина төзелеше тармагының эре оешмалары ("Казан вертолет заводы", "Камаз" акционер җәмгыятьләре), шулай ук Татарстан Республикасында алкоголь продукциялрнең эре җитештерүчеләре вәкилләре белән очрашты. Әлеге киңәшмәләрдә Татарстан Республикасы буенча Россия Федерациясендә федераль салым хезмәте идарәсе, Татарстан Республикасы сәнәгать һәм сәүдә министрлыгы һәм Татарстан Республикасы икътисад министрлыгы белгечләре катнашты.

2016 елның беренче яртыеллыгында оешмаларның эшчәнлеге нәтиҗәләре, 2016 елда  финанс-хуҗалык эшчәнлегенең көтелүче күрсәткечләре һәм ел буенча түләнүче кертемнәр, шулай ук 2017-2019 елларга фаразлар тикшерелде.  

Россиядә тулай төбәк продукты физик берәмлектә 2016 елның икенче кварталында 2015 елның шушы ук вакыты белән чагыштырганда 0,6% кимеде. Әлеге якынча алдан бәяләү Росстат мәгълүматларында кителергән.

Шулай итеп, ведомство Россия Федерациясенең икътисади үсеш министрлыгы бәясен раслады, аның буенча россия Федерациясендә тулый төбәк продукты икенче кварталда 0,6% кими, ә беренче яртыеллыкта 0,9%ка.

Моңа кадәр Россия Федерациясенең икътисади үсеш министры Алексей Улюкаев Россиядә Тулай төбәк продуктының динамикасы якын арада уңай яссылыкка чыгачак дигән иде. Министр сүзләре буенча, икътисадның реаль секторында хәлләр уңай якка үзгәрә, сәнәгать җитештерү динамикасы уңай яссылыкка чыккан инде.

Татарстан Республикасында Дәүләт төзелеш күзәтчелеге инспекциясе һәм Дәүләт хезмәт инспекциясе тарафыннан 2016 ел башланганнан бирле 679 тикшерү уздырылган. Хезмәтне саклау кагыйдәләрен һәм нормаларын бозган өчен 11 млн. 417 мең сумлык 360 карар чыгарылган. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры урынбасары Алексей Фролов хәбәр итте.

Киңәшмә барлык мунициципаль районнар белән видеоконференцэлемтә режимында узды. Анда Татарстан Республикасы Президенты Рөстәм Миңнеханов, Татарстан Республикасы Премьер-министры Илдар Халиков та катнашты.  

Татарстан Республикасы Дәүләт торак төзелеше инспекциясе мәгълүматларына караганда, 2016 елда 41 муниципаль берәмлектәге күп фатирлы йортларга капремонт объектларында 2 мең 560 инспекцион тикшерү уздырылган, 8 муниципаль берәмлектә техник иминлек бозуның 34 факты ачылган.

Россия Федерациясе Хөкүмәтенең Вице-премьеры Ольга Голодец сүзләренчә, пенсия дәрәҗәсе урнашкан инфляциягә хәтле җиткерү өчен өстәп арттыру турында карар ике-өч атна эчендә кабул ителәчәк. "Бездә конкрет күрсәткечләр нигез итеп алынган, илебездә булган инфляция һәм азык-төлеккә урнашкан бәяләр буенча инфляциягә карата пенсияләрне күпмегә күтәрү буенча барлык исәп-хисаплар да ясалды. Хәзер нәтиҗәләр ясала (яртыеллык нәтиҗәләре). Аларны икътисадчылар ясый, минем уйлавымча без бу эшне ике-өч атна вактыында эшләп бетерәчәкбез". Вице-премьер белдерүенчә, сүз лаеклы ялдагы пенсионерларга гына түгел, эшләүче пенсионерларга да пенсияләрне арттыру турында бара. 

Исегезгә төшерәбез, июль ае башында Финанслар минситрлыгы Үзәк Банк белән бергә пенсия системасын яңартуны тәкъдим иттеләр. Аның буенча пенсиянең җыелып барылучы өлешен мәҗбүридән иреклегә күчерелү планлаштырыла. 

Россия Федерациясенең Финанслар министрлыгы бюджетка керми калучы керемнәр ягыннан салым һәм таможня ташламалары буенча идеологияне яңадан тикшерергә тәкъдим итә.

2016 елның октябрендә РФ Финанслар министрлыгы Икътисади үсеш министрлыгы, Федераль салым хезмәте һәм федераль таможня хезмәте белән бергә салым һәм салым булмаган чыгымнарның, шул исәптән таможня һәм иминистләштерү түләүләре белән бергә тулы исемлеген әзерләргә планлаштыра.

Министрлык планы буенча, 2017 елның март аена ташламаларның ахыргы исемлеге формалаштырылып беткән булырга тиеш. Алар дәүләт программалары буенча бүленәчәк яисә бюджетныж программаларыннан тыш чыгымнарына кертеләчәк.