ЯҢАЛЫКЛАР

Россиянең Премьер-министры Дмитрий Медведев дәүләт идарәсе нәтиҗәлеклелегенең үсеше илебез үсешендә зур рольгә ия икәнен белдерде. Аның бу турыда мәкаләсе "Российская газета" да басылган.

Россия Федерациясенең тышкы бурычы август аенда долларда санаганда, 1 сентябрьгә 51,3 миллиард доллар тәшкил иткән, евро белән санаганда 2,9% кимеп 45,443 миллиард еврога җиткән, диелгән Финанслар министрлыгы материалларында.

1 октябрьдә физик затлар өчен милек салымнарын түләү срогы чыга. Быел бу түләүләр срогы 1 айга алга күчерелде, узган елларда ул 1 ноябрьгә кадәр иде. Салым түләүчеләр транспорт, милек һәм җир салымнарын түләргә тиеш.

Бүген ТР Хөкүмәте йортында узган матбугат конференциясендә, РФ Салым федераль хезмәтенең ТР буенча идарәсе җитәкчесе РТ Марат Сафиуллин белдергәнчә, республикада яшәүче 2,5 млн кешегә салым турында белдерү кәгазьләре җибәрелгән, 1,5 млн белдерү кәгазе - физик затлар милкенә салым буенча, 1 млн - җир салымнары, 946 мең - транспорт салымы.

Бүген Казан ратушасында өченче чакырылыш Казан шәһәре Думасының беренче сессиясе узды. Анда шулай ук Татарстан Республикасы Дәүләт Киңәшчесе Минтимер Шәймиев катнашты.

Киңәшмә башланганда Казанның сайлау комиссиясе рәисе Фәрит Гәрәев 13 сентябрьдә уздырылган муниципаль сайлауларга йомгак ясады. Казан шәһәре Думасы тулы составта 50 депутаттан формалашты.

Барлыгы өченче чакырылыш Казан шәһәре Думасында “Бердәм Россия”дән 43 депутат, КПРФтан 3 депутат һәм “Гадел Россия”дән (“Справедливая Россия”) 3 депутат тәкъдим ителде.

Россия Федерациясенең Финанслар министрлыгы 2016 елга бюджет проектын тикшерү һәм аны Дәүләт Думасына кертү алдыннан өч яклы комиссия утырышында төп бюджетара трансфертларны бүлү турында мәсьәләне көн үзәгенә чыгарачак. Бу турыда аскы палата парламенты утырышында финанслар министры Антон Силуанов белдерде.

Россия Федерациясенең пенсия фондына бирелүче трансфертларның күләме 2016 елда 3 трлн. сумнан әз генә кимрәк булачак, дип белдерде бүген РФ Финанслар министры Антон Силуанов, Дәүләт Думасы утырышында чыгышы вакытында.

2015 елның гыйнвар-июль айларында Россиядә 148,42 тонна алтын җитештерелгән. Шул исәптән 117,16 тонна алтын табылган (2014 -117,37 тонна), бер уңайдан 9,59 тонна алтын алынган (2014 - 117,37 тонна), 21,68 тонна икенчел алтын алынган (2014 - 18,83 тонна).

Россия Федерациясе Финанслар министрлыгының Халыкара финанс мөнәсәбәтләре Департаменты директоры Андрей Бокаревның "Финансы" журналына биргән әңгәмәсе.

2015 елның гыйнвар-август айларында федераль бюджет үтәлешенең күрсәткечләре:
- тупланган керемнәр күләме - 8 958 528,4 млн. сум;
- чыгымнар үтәлеше - 9 952 684,2 млн. сум.