ЯҢАЛЫКЛАР

2016 елга бюджет күрсәткечләре Хөкүмәт яңа макроикътисади фараны расланганнан соң гына әзерләнә башланачак. Бу турыда РФ финанслар министры Антон Силуанов белдерде.

Россия Федерациясенең федераль бюджеты дефициты Тулай төбәк продуктының якынча 3% тәшкил итәчәк. 2016 елда да шушы дәрәҗәдән артмыячак, дип белдерде финаслар министры Антон Силуанов.

Нефть һәм газ сәнәгате – Татарстан Республикасы һәм гомумән илебез икьтисадының нигезе, ул табыш базасын формалаштыра һәм алга таба үсеш чыганагы. 

Бүген бу хакта Татарстан Республикасы Президенты вазыйфаларын вакытлыча башкаручы Рөстәм Миңнеханов Әлмәттә Нефть һәм газ сәнәгате хезмәткәрләре көненә багышланган бәйрәм чараларында белдерде.

Бәйрәм чараларында «Татнефть» ҖАҖ генераль директоры Наил Маганов, Татарстан Республикасы Президентының нефть мәсьәләләре буенча ярдәмчесе Шәфәгать Тәхәветдинов, Әлмәт муниципаль районы башкарма комитеты җитәкчесе Айрат Хәйруллин, Татарстан Республикасы министрлыклары һәм ведомстволары җитәкчеләре, Россия төбәкләреннән хөрмәтле кунаклар, Татарстан Республикасының муниципаль районнары башлыклары, нефть сәнәгате ветераннары, «Татнефть» компаниясе хезмәткәрләре һәм белгечләре, чиктәш тармаклар хезмәткәрләр катнашты.

«Алабуга» махсус икътисадый зонасында (Татарстан Республикасы Алабуга муниципаль районы) Россиядә беренче мәртәбә җиңел двигательләр җитештерү буенча чит ил компаниясе заводы эшләтеп җибәрелде.

FordSollers заводын эшләтеп җибәрү тантанасында Татарстан Республикасы Президенты вазыйфаларын вакытлыча башкаручы Рөстәм Миңнеханов катнашты.

Исәп-хисапның рус системасы - SWIFT аналогы ярты ел эчендә эшләп бетереләчәк, дип белдерде РФ Финанслар министры урынбасары Алексей Моисеев ТАСС хәбәрчесенә.

Финанслар министры урынбасары Алексей Моисеев сумның көчәюе өчен мөмкинлекләрне агымдагы елга караганда, 2016 елда көтәргә була дип саный.
"Сум хәрвакытта да беренче яртыеллыкта ныгый. Соңгы егерме ел буенча күрсәткечләрне карасак, сум өчен иң кулай вакыт - февраль-май ахыры.", - диде Моисеев журналистларга.

РФ икътисади үсеше агымдагы елның дүртенче кварталында тизләнеп китергә мөмкин, ә 2016 елда икътисадның үз хәленә кайтуына өмет итәргә була, дип фикерли Финанслар министры урынбасары Алексей Моисеев.

Россиядә 2015 елның гыйнвар-июнь айларында 113,3 тонна алтын җитештерелгән (2014 - 115,5 тонна). Шул исәптән: алтын табу - 88,34 тонна (2014-89,19 тонна), бер уңайдан - 8,17 тонна (2014 - 8,69 тонна), икенчел - 16,80 тонна (2014 - 17,72 тонна).
2015 елның гыйнвар-июнь айларында Россиядә 537,44 тонна (2014 - 482,21 тонна) көмеш җитештерелгән. Шул исәптән 308,45 тонна табылган (2014 - 238,46 тонна), бер уңайдан - 134,76 тонна (2014 - 145,97 тонна), икенчел - 94,23 тонна (2014 - 97,78 тонна).

2-4 сентябрь көннәрендә “Казан ярминкәсе”ндә Россия нефть-газ сәнәгатенең иң эре чараларының берсе – Татарстан нефть, газ, химия форумы үткәрелә. Анда Казан дөньяның 9 иленең – Россия, Беларусь, Германия, Дания, Кытай, Польша, Чехия, Австрия, Һиндстанның 200дән артык компаниясен, шул исәптән Россия төбәкләренең 130лап предприятиесен, Татарстанның гына да 50дән артык предприятиесен бер урынга туплый. Россия нефть, газ, нефть химиясе сәнәгате өлкәсендәге эре чара саналган әлеге форум РФ Президенты, РФ Сәнәгать һәм сәүдә министрлыгы, РФ Табигать ресурслары һәм экология министрлыгы, Татарстан Хөкүмәте ярдәме белән үткәрелә, оештыручылар ролендә – ТР Сәнәгать һәм сәүдә министрлыгы, «Татнефтехиминвест-холдинг», «Татнефть», «ТАИФ» ачык акционерлык җәмгыятьләре, «Нефтеконсорциум» ябык акционерлык җәмгыяте һәм Татарстан Фәннәр академиясе.

2015 елның августында 2014 елның 1 декабреннән "2015 елга һәм 2016, 2017 елдагы план чорына федераль бюджет турында" 384-ФЗ санлы Федераль законы һәм 2015 елның 17 июленнән Россия Финанслар министрлыгының "216 санлы карары нигезендә Резерв фонды һәм милли байлык фонды акчаларын урнаштыру нәтиҗәләре турында мәгълүмат.