ЯҢАЛЫКЛАР
Яшь гаиләләргә торак сатып алу яки төзү өчен социаль түләүләрны тормышка ашыруга Татарстан 10,3 млн. сум күләмендә федераль субсидия алачак. Дотацияләр 2011-2015 елларга "Торак" федераль максатчан программасындагы "Яшь гаиләләрне торак белән тәэмин итү" кысаларында бүлеп биргәннәр. Дмитрий Медведев кул куйган әлеге Карар РФ Хөкүмәтенең рәсми сайтында урнаштырылган.
Россия Хөкүмәте 34 дәүләт программасының яңа редакциясен раслады, аларны тормышка ашыруның гомуми күләме 80 трл. сумнан артык. Бу турыда Министрлар Кабинетының матбугат хезмәте хәбәр итә.
Хөкүмәтнең интернет порталында әйтелгәнчә, дәүләт программасына Владимир Путин президент сайлауларында җиңү яулаганнан2012 елның маенда соң кул куйган Указларында каралган 55 күрсәткеч кертелгән.
Казанда РФ Финанс министрлыгы вәкилләре, Татарстанның финанс өлкәсендә эшләүче белгечләр, Идел буе федераль округындагы барлык республика һәм өлкәләрнең финанс министрлары катнашында семинар-киңәшмә булып узды. Анда дәүләт һәм муниципаль финанслар белән идарә итүнең нәтиҗәсен яхшырту мәсьәләләре тикшерелде.
(Ватаным Татарстан газетасы)
Финанслар министрлыгы агымдагы елда Россиядәдән капитал чыгуы 70-80 млрд доллар тирәләрендә булыр дип фаразлый. Бу турыда журналистларга министрлыкның озак вакытка стратегик планлаштыру департаменты директоры Максим Орешкин хәбәр итте.
Шулай итеп, финанслар министрлыгы Икътисад министрлыгына караганда фаразында оптимистрак.
Казанда җитәкчеләр өчен «Хәзерге заман менеджмент технологияләре» семинары башланды. Татарстанның дәүләт һәм муниципаль җитәкчеләре өчен оештырылган семинарда Татарстан Республикасы Президенты Рөстәм Миңнеханов, “Россия саклык банкы” ААҖ президенты – идарәсе рәисе Герман Греф, Татарстан Республикасы Премьер-министры Илдар Халиков, Татарстан Республикасы Финанслар министры Радик Гайзатуллин, республиканың башка министрлыклары, ведомстволары, муниципаль берәмлекләре җитәкчеләре катнашты.
Россия Федерациясе Финанслар министрлыгының рәсми сайтында 2015 елга һәм 2016, 2017 елдагы план чорына салым сәясәтенең төп юнәлешләре урнаштырылган.
2015 елга һәм 2016, 2017 елдагы план чорына Россия Федерациясендә салым сәясәтенең төп юнәлешләре киләсе елга һәм план чорына федераль, шулай ук Россия Федерациясе cубъектлары һәм муниципаль берәмлекләрнең бюджет фаразы төзү максатында әзерләнгән.