ЯҢАЛЫКЛАР

Бүген Казанда Kazansummit'13 Россия һәм Ислам Хезмәттәшлеге Оешмасы илләренең V Халыкара икътисадый саммитын кысаларында Стратегик форум үткәрелде. Утырышта Татарстан Республикасы Президенты Рөстәм Миңнеханов, Татарстан Республикасы Дәүләт Киңәшчесе Минтимер Шәймиев, Федерация Советы вице-спикеры Ильяс Умаханов, Ислам Хезмәттәшлеге Оешмасының генераль секретаре Әкмәледдин Ихсаноглу катнаштылар.

Форум башланыр алдыннан Рөстәм Миңнеханов һәм Минтимер Шәймиев Татарстанның инвестицион һәм икътисадый проектлары күргәзмәсен карады.

Форумда катнашучыларны сәламләп, Татарстан Республикасы Президенты Kazansummit әһәмиятен билгеләп үтте. "Безнең республика бу көннәрдә Россия һәм ислам дөньясы үзара хезмәттәшлегенең төп икътисадый мәйданчыгына әверелде, - дип белдерде Р.Миңнеханов. - Kazansummit форумында 40 илдән һәм РФнең 16 төбәгеннән 600гә якын вәкил катнаша".

Бүген Казан Кремлендә Татарстан Республикасы Дәүләт Киңәшчесе Минтимер Шәймиев Ислам хезмәттәшлеге оешмасы генераль секретаре Әкмәледдин Ихсаноглу белән очрашты. Ул “KAZANSUMMIT 2013” Россия һәм Ислам хезмәттәшлеге оешмасы илләренең Халыкара икътисади саммитында катнаша.

Очрашу башланганда Минтимер Шәймиев: “Без, Ислам хезмәттәшлеге оешмасы башлыгы Әкмәледдин Ихсаноглуга безнең хәлиткеч үсеш чорында Татарстанга игътибар иткән һәм безнең өчен ислам дөньясына юл ачкан өчен, һәрвакыт рәхмәтле. Бу бик зур әһәмияткә ия вакыйга булды, ул инде республиканың яңа тарихына язылган”, - дип белдерде.

Ул шулай ук Ислам хезмәттәшлеге оешмасы генераль секретаренә күпьеллык уңышлы хезмәттәшлеге өчен рәхмәт белдерде. “Без башлаган уртак эшләр һәм проектларның уңышлы, лаеклы дәвам ителүен аңлау шатландыра”, - дип ассызыклады ТР Дәүләт Киңәшчесе.

РФ Финанс министры Антон Силуанов салым салуның гадиләштерергән системасы буенча керемнәрне җирле дәрәҗәгә тапшырган очракта төбәкләр бюджетлары өчен куркыныч яный дип саный.

 

РФ Финанслар министры Антон Силуанов кече һәм урта касебчелеккә Милли Байлык фонды хисабына кредит бирүне куркынычлы дип саный.

"Шулай да Милли байлык фонды акчалары ышанычлы активларга гына урныштырылырга тиеш, алар керемне һәм саклыкны тәэмин итә. Дөрес, кече һәм урта касебчелеккә кредитлар - алар югары рискка ия", - диде ул пәнҗешәмбе көнне узган РФ Хакимияте утырышында чыгыш ясап.  

Бүген Татарстан Республикасы Президенты Рөстәм Миңнеханов Россия һәм Ислам хезмәттәшлеге оешмасы илләренең Kazansummit'13 халыкара икътисадый форумы кысаларында Төркия Республикасы делегациясе белән очрашты. Делегацияне Төркиянең Югары Милли мәҗлесе депутаты, Төркия Республикасының ПАСЕдагы вәкиле Мәүлет Чавушоглу җитәкли. Делегация составына шулай ук Искешәһәр провинциясе губернаторы Гүнгәр Азим Туна, Төркиянең эшлекле даирәләре вәкилләре кергән иде.

Татарстан Президенты Төркия белән Татарстан арасындагы сәүдә-икътисадый һәм гуманитар багланышларның шактый дәрәҗәдә үсешен канәгатьлек белән белдерде. Татарстанда эре Төркия компанияләре актив эшли, һәр ел яңа төрек инвесторлары өстәлеп тора.

Россиядә Малайзиянең Гадәттән тыш һәм Тулы вәкаләтле илчесе Зәйнел Абидин Омар җитәкчелегендәге Малайзия делегациясе белән бүген Татарстан Президенты Рөстәм Миңнеханов Kazansummit'13 форумы кысаларында очрашты.

ТР Президенты Малайзиянең Азия Көньяк-Көнчыгышы илләле арасындагы иң динамикалы рәвештә үсеп баручы ил икәнен билгеләп үтте. "Без Россия-Малайзия багланышлары кысаларында Малайзия белән безнең республика арасында урнашкан мөнәсәбәтләрне югары бәялибез," - дип әйтте Р.Миңнеханов.

Ул Малайзия җитәкчелегенә 2013 елның январендә Татарстан Президенты җитәкчелегендә ТР делегациясе визиты барышында Татарстанга карата күрсәткән игътибарлары өчен рәхмәт белдерде. Рөстәм Миңнеханов ил җитәкчелеген берничә эре проектны гамәлгә ашырулары белән котлады, шулар арасында "Иксәндәр" МИЗ проектын оештыру белән дә.

Бүген Столбищи бистәсе янәшәсендә киләчәк шәһәре “СМАРТ Сити” төзелешенә рәсми рәвештә старт бирелде. Чара Россия һәм Ислам хезмәттәшлеге илләренең V халыкара икътисади саммиты кысаларында узды. Тантанада ТР Президенты Рөстәм Миңнеханов, РФ Федерация советы рәисе урынбасары Ильяс Умаханов, “СМАРТ Сити Казан” проектының баш архитекторы, AJM Planning Design Group җитәкчесе Норлиза Хашим, Tatastan Gulf Investment Companу җитәкчесе Халед Әл Джассим, ТР Инвестицион үсеш агентлыгы генераль директоры Линар Якупов, Россия һәм чит илләр инвесторлары, дәүләт хакимияте органнары вәкилләре һ.б. катнашты. Рөстәм Миңнеханов, Норлиза Хашим, Ильяс Умаханов һәм Халед Әл Джассим киләчәк шәһәренең икътисади үсеш нокталарын тәшкил итәчәк дүрт зонаны символлаштырылган нигез ташларына капсуллар салды. Дүрт капсулның һәрберсенә әлеге “акыллы шәһәр”дә яшәячәк, укыячак, иҗат итәчәк халыкка мөрәҗәгать юлланган.

PricewaterhouseCoopers компаниясе берничә проект буенча Татарстанның элеккеге һәм ышанычлы партнеры булып тора, әмма хезмәттәшлек потенциалы әле тулысынча гамәлгә ашырылмаган. Мондый фикерне бүген ТР Премьер-министр Илдар Халиков Россиядә PwC идарәче партнеры Дэвид Грей белән очрашу барышында белдерде. Очрашуда шулай ук вице-премьер – ТР мәгълүматлаштыру һәм элемтә министры Роман Шәйхетдинов, Универсиада Дирекциясе җитәкчесе Владимир Леонов, КФУның икътисади һәм стратегик үсеше буенча проректоры Марат Сәфиуллин катнашты.

Kazansummit халыкара инвестицион форум үзен Россияне ислам дөньясы белән якынайтучы мәйданчык буларак күрсәтте. Әлеге фикерне Татарстан Президенты Рөстәм Миңнеханов бүген ачылган 5нче Kazansummit форумы кысаларындагы иртәнге эшлекле аш вакытында белдерде.

Эшлекле ашта чит ил бизнесы, дәүләт хакимияте вәкилләре, экспертлар катнашты.

Форум кунакларын сәламләп, Татарстан Президенты Рөстәм Миңнеханов Kazansummit форумын эшмәкәрләр очрашуына бик әйбәт мөмкинлек икәнен билгеләп үтте.

РФ Финанслар министрлыгы тиешле закон нормаларын кабул иткәннән соң, киләчәктә банклар эчке базарларында ипотке портфелләрен генә секьюритизирлап калмас дип ышана. Бу турыда РФ Финанслар министры урынбасары Алексей Моисеев "ВТБ Капитал" оештырган "Россия чакыра!" форумында чыгышы барышында хәбәр итте.

Россия Хокукында махсус финанс җәмәгатьчелеге дигән яңа аңлатма кертүче закон проекты Дәүләт Думасында беренче укылышта кабул ителде һәм бүген икенче укылышка әзерләнә диде ул.